Әһли Бејт -АБНА- хәбәр аҝентлијинин вердији хәбәрә әсасән: Ҝәнҹәдә һәбс едилән руһаниләр Фәхри Илјасов вә Азәр Ҹәбијевин вәкили Елчин Намазов мүдафиә етдији шәхсләрин һәбсдән бурахылмасы тәләби илә мәһкәмәјә мүраҹиәт едиб. Бу барәдә ФаткХебер.ҹом-а руһаниләрин вәкили Елчин Намазов мәлумат вериб. Вәкилин сөзләринә ҝөрә, һазырда мәһкәмәдән иҹласын вахты барәдә мәлумат ҝөзләјир. "Һәр ики шәхсин һәбсдән бурахылмасы үчүн һеч бир һүгуги манеә јохдур. Әксинә онларын һәбсдә сахланмасы Али Мәһкәмә Пленумунун һәбс-гәти имкан тәдбиринин сечилмәси илә бағлы төвсијјәләринә зиддир. Кимсә һәбс олунаркән субјективлијә јол верилмәмәли, бунун үчүн конкрет әсаслар олмалыдыр. Тәәссүф ки, Азәрбајҹанда әсаслар јох, истинтаг органынын истәји нәзәрә алыныр. Бу исә инсан һаггларынын кобуд позунтусудур вә Авропа Мәһкәмәсинин гәрарларында да бирмәналы шәкилдә гејд олунур ки, һәбслә бағлы олмајан алтернатив мәһдудуијјәтләрә үстүнлүк верилмәлидир. Нормал мәһкәмәләрин мөвҹуд олдуғу өлкәләрдә белә иттиһамларла һәтта бу шүбһәсиз олсајды белә јенә дә һәбс сечилмәзди. Буну әсасландырылмыш шәкилдә мәһкәмәјә үнванладығым вәсатәтдә гејд етмишәм. Үмүд едирәм ки, мәһкәмә бу ганунсузлуғу арадан галдырмаг јолунда аддым атараг, онларын һәбсдән бурахылмасы барәдә гәрар гәбул едәҹәк".
Е.Намазов һәмчинин гејд едиб ки, мүдафиә тәрәфинә јарадылан сүни проблемләрлә бағлы өлкә президентинә, Баш Прокурора, дахили ишләр назиринә вә Омбудсмана мүраҹиәт едиб. "Азәр Ҹәбијевлә бағлы мүдафиә тәрәфинә даһа чох әнҝәлләр јаратмаға ҹәһд олунур. Онунла ҝөрүшләримиз һәлә ки, јалныз камераларын гурулдуғу отагларда мүмкүн олуб. Бу конфиденсиал үнсијјәт һүгугумузун кобуд позунтусудур. Гејд олунан органлара мүраҹиәтимдә бу вә диҝәр ҹидди ганун позунтулары, өзбашыналыглар барәдә ҝөстәрмишәм".
Мәлумат үчүн билдирәк ки, Ҝәнҹәнин нүфузлу руһаниләри олан Фәхри Илјасов вә Азәр Ҹәбијәв АР ҸМ-нин 221.3-ҹү (хулиганлиг) маддәси илә иттиһам олунурлар. Онлар барәсинде полис ишчиләринә зоракылыг етмәләринә ҝөрә, гондарма иттиһамла ҹинајәт иши башланмышдыр.
Диггәт: Хәбәрдән истифадә етдикдә мәнбәјә истинад лазымдыр
