Әһли Бејт -АБНА- хәбәр аҝентлијинин вердији хәбәрә әсасән:Гәрб дүнјасынын Јәмәндәки әлалтысы Диктатор Әли Абдулла Салеһ Тунис вә Мисир һадисәләриндән һүркүјәрәк нөвбәти президент сечкиләриндә намизәдлијини ирәли сүрмәјәҹәјини ачыглајыб. Диктатор билдириб ки, һакимијјәти оғлуна өтүрмәк нијјәти дә јохдур.
Хатырладаг ки, бир мүддәтдир Јәмәндә Диктатор режиминин дағыдылмасы тәләбләри илә күтләви аксијалар кечирилир. Аксијалар Тунисдә президент Зејнәл Абидин бен Алинин һакимијјәтдән деврилмәсиндән сонра башлајыб. Абдулла Салеһ 1978-ҹи илдән һакимијјәтдәдир. 1987-ҹи илдә Јәмән Әрәб Республикасына рәһбәрлик едән Абдулла Салеһ Јәмән бирләшдикдән сонра Президент Шурасынын сәдри сечилиб. 1999-ҹу илдә президент сечкиләриндә галиб ҝәлән Абдулла Салеһ 2006-ҹы илдә икинҹи дәфә бу поста сечилиб. Онун президент сәлаһијјәтләринин мүддәти 2013-ҹү илдә баша чатыр. Јәмән ән касыб әрәб дөвләтләриндән биридир. Өлкәдә ишсизлик сәвијјәси 35 фаиздир, әһалинин јарыдан чохунун ҝүндәлик ҝәлири 2 доллардан аздыр.
Гејд едәк ки,јәмәнлиләр һәфтәнин ҹүмә ахшамы ҝүнүнү һакимијјәтә "гәзәб ҝүнү" елан едибләр. Мүхалифәт партијалары өлкәдә ислаһатларын апарылмасы вә баш верән ганунсузлугларын гаршысыны алмаг үчүн бүтүн јәмәнлиләри Диктатор Әли Абдуллаһ Салеһ һакимијјәти илә мүбаризәјә сәсләјиб.
Диггәт: Хәбәрдән истифадә етдикдә мәнбәјә истинад лазымдыр
