Әһли Бејт -АБНА- хәбәр аҝентлијинин вердији хәбәрә әсасән: Јанварын 28 сәһәр саат 11:00 радәләриндә Русијада јашајан сојдашларымыз Москва шәһәриндә јерләшән Азәрбајҹан сәфирлијинин гаршысында иҹазәли пикет кечириб. Ганунвериҹилкдә бу әразидә 15 нәфәрдән артыг инсанын топлашмасына иҹазә верилмәдијинә ҝөрә, пикәтдә сојдашларымыздан јалныз 15 нәфәр иштирак едиб. Пикетдә һиҹаб гадағасы вә инсан һагларынын позулмасы илә әлагәдар мүхтәлиф шуарлар јазылмыш плакатлар нүмајиш етдирилиб.
Гејд едәк ки, Азәрбајҹанда орта мәктәбләрдә һиҹабын гадаған олунмасына вә руһаниләрин һәбс олунмасына етираз әламәти олараг, Москва шәһәриндә јашајан сојдашларымыз нөвбәти пикет кечирмәјә һазырлашыр. Нөвбәти пикетин феврал ајынын 4-дә сәфирлијин гаршысына кечирилмәси нәзәрдә тутулур. Бундан әлавә Москвада јашајан сојдашларымыз јахын ҝүнләрдә иҹазәли күтләви митинг дә кечирмәк нијјәтиндыдир. Азәрбајҹандакы исламофобијаја етираз олараг кечириләҹәк митингдә, јүзләрлә азәрбајҹанлы сојдашымызын иштирак етмәси ҝөзләнилир.
Диггәт: Хәбәрдән истифадә етдикдә мәнбәјә истинад лазымдыр
