Әһли Бејт -АБНА- хәбәр аҝентлијинин вердији хәбәрә әсасән: Јанварын 28-дә Русија Дөвләт Думасы “Полис һаггында” гануна дәјишикликләр едиб.
Ганунун јени вариантына ҝөрә, полисин һәтта иҹазәсиз динҹ нүмајишләрин иштиракчыларына гаршы хүсуси васитәләрдән, о ҹүмләдән дәјәнәкләрдән истифадә ихтијары јохдур. Полис јалныз күтләви иғтишашларын вә ја нәглијјатын һәрәкәтинә, рабитәнин ишинә, тәшкилатларын фәалијјәтинә мане олан диҝәр ганунсуз һәрәкәтләрин гаршысыны алмаг үчүн хүсуси васитәләрдән истифадә едә биләр.
Ганунда башга бир јенилик дә вар: Полис әмәкдашы вәтәндашын һүгуг вә азадлығыны мәһдудлашдыран тәдбирләрдән истифадә етдикдә она бу нөв өлчү ҝөтүрүлмәсинин сәбәбини изаһ етмәли, буну әсасландырмалыдыр.
Гејд едәк ки, Русија белә демократик гануну Дөвләт Думасында гәбул етдији һалда Азәрбајҹан Милли Мәҹлиси вә Рамил Усубов исә тарихин көһнәлимиш вә артыг өз истифадә етмә мүддәтини һәлә илләрлә бундан өнҹә әлдән вермиш “зор тәтбиг етмә” үсулиндан истифадә етмәкдә исрарлыдыр.
Диггәт: Хәбәрдән истифадә етдикдә мәнбәјә истинад лазымдыр
