Әһли Бејт -АБНА- хәбәр аҝентлијинин вердији хәбәрә әсасән: Иғтишашларда дөрд нәфәр һәјатыны итириб. Дүнәнки һадисәләрдә, јүзләрлә инсан јараланыб вә һәбс едилиб. Мисирдә 30 илдир игтидарда олан диктатор Һүснү Мүбарәк рәһбәрлијинә гаршы башлајан нүмајишләр фасиләсиз олараг давам едир. Өлкәдә нүмајишләрин мәркәзи пајтахт Гаһирәдир.
Мәһкәмә гаршысында топланан 2 мин гәдәр нүмајишчијә полис мүдахилә едиб. Әл Аһрам гәзети гаршысында топланан јүзләрлә нүмајишчи дә, Мүбарәк әлејһинә шүарлар сәсләндирибләр. Шәһәрин мәркәзиндәки Тәһрир мејданына чыхан бүтүн јоллар бағланылыб.Әл Аһрам гәзети гаршысындакы нүмајишчиләрә полис, ҝөзјашардыҹы газдан истифадә едиб. Нүмајишчиләрин полисә даш вә чубугларла ҹаваб вермәси нәтиҹәсиндә баш верән гаршыдурмада 39 нәфәр јараланыб. Сәһәрә гәдәр давам едән нүмајишләрдә бир полис илә бир нүмајишчи һәјатыны итириб.
Сүвејш шәһәриндә баш верән һадисәләрдә 350 нәфәри јараланыб. Јаралананлардан 100-ү хәстәханаја апарылыб. Диҝәр тәрәфдән исә полисин нүмајишчиләрә пис рәфтар етдијини билдирән етиразчылар, бунунла әлагәдар видео ҝөрүнтүләрини интернетдәки пајлашма сајты "Јоутубе" кими каналлар үзәриндә дүнјаја јајмаға чалышырлар.
Гејд едәк ки, Нју-Јорк университетинин докторлуг дәрәҹәсини алмыш, 2005-ҹи илин Нобел мүкафачысы Әл-Бәрадеји артыг Мисирдә ҝеријә јолун олмадығыны билдириб. "Ҝеријә дөнүшү олмајан бир јола ҝирмишик. Бу һәрәкат ҝетдикҹә бөјүјәҹәк.
Диггәт: Хәбәрдән истифадә етдикдә мәнбәјә истинад лазымдыр
