Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Ислам Партијасынын сәдри Мөвсүм Сәмәдовун 13 сутка һәбс мүддәти битдикдән сонра, ону Баш Мүтәшәккил Ҹинајәткарлыгла Мүбаризә Идарәсинин мүвәггәти сахланма тәҹридханасындан Нәсими рајон мәһкәмәсинә апарыблар. Ҝеҹә саатларында олмасына бахмајараг, һазырда рајон мәһкәмәсиндә АИП сәдринин мәһкәмәси башламаг үзрәдир. Нәзәринизә чатдыраг ки, мәһкәмә гапалы кечдијиндән просесә һансы һакимин сәдрлик етдији мәлум дејил.
Гејд едәк ки, АИП сәдри Мөвсүм Сәмәдов јанварын 7-дән 8-ә кечән ҝеҹә, Нәриманов рајон әразисиндә сахланылараг, полисә мүгавимәт маддәсилә 13 ҝүн азадлыгдан мәһруб едилмишди.
23:45 Бу ҝүн саат 23:00-да Нәсими рајон мәһкәмәсиндә Елман Әһмәдовун сәдрлији илә кечән просесдә, Азәрбајҹан Ислам Партијасынын сәдри Мөвсүм Сәмәдов барәдә јенидән һәбс гәрары верилиб. Барәсиндә сечилән 13 суткалыг һәбс мүддәти јени битмәсинә бахмајарг, АИП сәдри јенидән һәбсә мәһкум едилиб. Мөвсүм Сәмәдовун вәкили Анар Гасымовун сајтымыза вердији мәлумата ҝөрә, мәһкәмә просеси гапалы шәраитдә кечиб. "Бир нечә дәгигә әввәл битән мәһкәмәдә, Мөвсүм Сәмәдов 28, 214.2.1-ҹи (габагҹадан әлбир олан бир груп шәхс, мүтәшәккил дәстә вә ја ҹинајәткар бирлик (ҹинајәткар тәшкилат) тәрәфиндән ҹинајәтә һазырлыг), 228.3-ҹү (ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә), 278-ҹи (һакимијјәти зорла әлә кечирмә вә ја ону зорла сахлама) маддәләр үзрә иттиһам олунараг, барәсиндә 3 ајлыг һәбс гәти-имкан тәдбири сечилди. "-дејә вәкил Анар Гасымов дејиб.
Диггәт: Хәбәрдән истифадә етдикдә мәнбәјә истинад лазымдыр
