Әһли Бејт -АБНА- хәбәр аҝентлијинин вердији хәбәрә әсасән: Бу ҝүн Репортјорларын Азадлыг вә Тәһлүкәсизлик Институтунун (РАТИ) мәтбуат мәркәзиндә Азәрбајҹан Ислам Партијасынын сәдри Һаҹы Мөвсүм Сәмәдов вә һәбс едилән диҝәр диндарларын һүгугларынын мүдафиә комитәсинин елан едилмәсинә даир мәтбуат конфрансы кечирилиб.
Ислам-Азери.аз Интернет Гәзетинин хүсуси мүхбиринин вердији хәбәрә ҝөрә, конфрансда бир чох танынмыш тәшкилат сәдрләри, о ҹүмләдән Түркијәдән Азәрбајҹана сәфәр едән Түркијәнин танынмыш инсан һаглары тәшкилаты олан "Мазлумдер" тәшкилатынын баш катиби Шәрифә Ҝүл Арыман вә баш катибин мүавини Узејир Јиҝит иштирак едиб.
Конфранс заманы һәбс олунанлар һаггында әтрафлы мәлумат верилиб.
Ҝәнҹәдәки һәбсләрлә бағлы орадан ҝәлмиш нүмајәндә чыхыш едиб.
Диндарларын һагсыз јерә вә мөвҹут олмајан иттиһамларла бағлы һәбс олунмасы шиддәтлә гынаныб.
Тәдбирдә журналистләр, һүгуг мүдафиәчиләри вә дипломатик корпус нүмајәндәләри дәвәт олунублар.
Конфрансда мөвҹуд һиҹаб проблеми илә бағлы да чыхышлар олуб.
Диггәт: Хәбәрдән истифадә етдикдә мәнбәјә истинад лазымдыр
