Әһли Бејт -АБНА- хәбәр аҝентлијинин вердији хәбәрә әсасән: Бу ил 7 јанвар тарихиндә Азәрбајҹан Ислам Партијасынын сәдри Мөвсүм Сәмәдовла бирҝә һәбс олунан Вагиф Абдуллајев, Елчин Һәсәнов вә Мирһүсејн Казымов барәдә редаксијамыза јени мәлумат дахил олуб. Азәрбајҹан Ислам Партијасынын баш мәҹлисинин үзвү Натиг Кәримов ФактХебер.ҹом-а билдириб ки, "Бу ҝүн ахшам саатларында АИП сәдринин тәшкилати мәсәләләр үзрә мүавини Вагиф Абдуллајев, Баш Мүтәшәккил Ҹинајәткарлыға Гаршы Мүбаризә Идарәсинә апарылыб. Вагиф Абдуллајев барәсиндә 3 ајлыг һәбс гәти имкан тәдбири сечилиб. Мәһкәмәнин онун барәсиндә тәјин етдији 15 сутка һәбс ҹәзасынын битмәсинә 5 ҝүн галмасына бахмајараг, Вагиф Абдуллајевин һансы сәбәбдән Баш Мүтәшәккил Ҹинајәткарлыға Гаршы Мүбаризә Идарәсинә апарылмасы вә һәбс едилмәси бизә мәлум дејил."
Натиг Кәримовун билдирдијинә ҝөрә, АИП сәдри Мөвсүм Сәмәдовун сүрүҹүсү Мирһүсејн Казымов вә Елчин Һәсәновун 11 сутка һәбс ҹәзасы битдији үчүн, артыг бу дәгигәләрдә Бинәгәди рајон Мүвәггәти Сахлама Тәҹридханасындан сәрбәст бурахылыб.
***
Аиләсиндән верилән мәлумата ҝөрә, В. Абдуллајев ганунсуз фәалијјәтдә вә иғтишашлар төрәтмәјә ҹәһддә иттиһам олунур.
Диггәт: Хәбәрдән истифадә етдикдә мәнбәјә истинад лазымдыр
