Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Ислам Партијасынын сәдри Мөвсүм Сәмәдов вә партијанын бир нечә үзвү артыг бир нечә ҝүндүр ки, һүгуг мүһафизә органлары тәрәфиндән сахланылыр. Рәсми органларын вердији мәлуматлара ҝөрә Мөвсүм Сәмәдов барәсиндә ҝуја иғтишашлар төрәтмәк, иҹтимаи тәһлүкәсизлији позмаг, инсанлары ҹиһада тәһрик етмәк маддәләри илә ҹинајәт иши галдырылыб.
Гејд етмәк лазымдыр ки, мәсәлә бир о гәдәр дә дејилдији кими ҝөрсәнимир. Чүнки, Мөвсүм Сәмәдов ҝүндәмдә олан “Тәһсилдә Һиҹаб Проблеми”- нә етираз олараг дәфәләрлә бәјанатлар вермиш, бунунла јанашы сонунҹу Азәрбајҹан Республикасы Конститусијасынын сөз вә виҹдан азадлығы ганунларына ујғун олараг дөвләтин вә дөвләт башчысынын апардығы бу сәбкили сијасәтинә өз шәхси фикирләрини билдирмишдир.
Тәәҹҹүблүсү будур ки, бәјанатдан дәрһал сонра Мөвсүм Сәмәдов һәбс олунур.
Мәсәлә илә бағлы Азәрбајҹан мәтбуаты илә јанашы үздәнираг гоншуларымыз да мәсәләнин реаллығындан хәбәрдар олдугларыны өзләринә аид олан информасија аҝентликләриндә јајымлајыблар. “Армениатодај” сајты бу ҝүн мараглы бир башлыг алтында һадисә барәдә мүхтәсәр мәлумат вериб. Сајт “Марионеточные мусульмане Ильхама Алиева выступили против Мовсума Самедова”(Илаһам Әлијевин кукла мүсәлманлары С.Мөвсүмова гаршы чыхдылар) башлыглы мәгаләсиндә диндарларын һәбси илә әлагәдар ГМИ сәдринин бәјанатыны хүсуси илә вурғулајыр. Сајт бу јазы илә Азәрбајҹанда сөз азадлығынын олмамасыны дүнја иҹтимаијјәтинә сүбут етмәјә чалышыб.
Диггәт: Хәбәрдән истифадә етдикдә мәнбәјә истинад лазымдыр
