Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Ислам Партијасынын сәдри Мөвсүм Сәмәдовун һәбс едилмәсиндән сонра өлкәдә диндарларын күтләви һәбси башлајыб. Мүхтәлиф иттиһамларла өлкәдә инанҹлы шәхсләр, партија мәнсублары, тәшкилат сәдрләри, илаһијјатчы алимләр бир-биринин ардынҹа һәбс олунур.
Илаһијјатчы Зүлфүгар Микајылзадәнин, Мәнәви Дүнја Иҹтимаи Бирлијинин сәдри Шаһин Һәсәновун вә Милли Мәнәви Дәјәрләр Иҹтимаи Бирлијинин сәдри Меһди Мәммәдовун ардынҹа АИП сәдринин биринҹи мүавини Елчин Манафовун да сахланылдығы мәлум олуб. Елчин Манфовун аиләсиндән дахил олан мәлуматда, Мөвсүм Сәмәдовун биринҹи мүавинин бу ҝүн ҝүнорта саатларында Кубинкадакы евиндән апарлыдығы билдирилиб. Шәһәр мәһкәмәсинә апарылан Елчин Манфову, мәһкәмә 10 сутка мүддәтинә азадлыгдан мәһрум едиб.
Гејд едәк ки, Азәрбајҹан Ислам Партијасынын Мәтбуат Хидмәтинин рәһбәри Акиф Һејдәрлинин дә полис тәрәфиндән һәбс олундуғу билдирилир. АИП функсионерләринин билдирдијинә ҝөрә, дүнән партијанын гәрарҝаһында оларкән евиндә ахтарыш апарылмасы барәдә мәлумат алан Акиф Һејдәрли, јашадығы Бинә гәсәбәсинә јолланыб вә дүнәндән онун барәсиндә һеч бир мәлумат јохдур.
Диггәт: Хәбәрдән истифадә етдикдә мәнбәјә истинад лазымдыр.
