Верилән мәлумата әсасән Инҝилтәрә парламентинин тәһсил хәрҹләринин артырылмасы һагда лајиһәсинин сорғусу кечириләҹәк. Елә бу ҝүнләрдә Лондон башда олмагла Инҝилтәрәнин әксәр шәһәрләри етираз аксијалары вә митингләрин шаһидидир.
Италијада да тәләбәләрин тәшкил етдији етираз аксијалары шиддәтләрлә үзләшиб. Милан шәһәриндә јүзләрлә италијалы тәләбә Силвио Белискони һакимијјәтинин тәһсил ислаһатына етираз едибләр.
Јунаныстанын пајтахты Афинада да јол-нәглијјат ишчиләринин етиразы өлкәни сүкута гәрг едиб. Афинада 24 саатлыг етираз тәтили гатарлар, метро вә үмуми нәглијјат васитәләринин дајанмасы илә нәтиҹәләниб.
Чехија Республикасында да јүз мин фәһлә әмәк һагларынын ашағы олмасына етираз олараг 24 саат тәтил елан едибләр.
Диггәт: Хәбәрдән истифадә етдикдә мәнбәјә истинад лазымдыр.
