Бу тәлимләр Ҹәнуби Кореја вә Американын Сеулда Кореја јарымадасындакы вәзијјәтлә бағлы мәсләһәтләшмәләринин давам етдији бир вахтда тәшкил олунуб.
Бу арада АБШ ордусунун баш гәрарҝаһ рәиси Мајк Мулен Ҹәнуби Корејалы һәмкары Һанмин Ку илә ҝөрүшдә Вашингтонун бу дөвләти мүдафиә етмәјә һазыр олдуғуну билдириб.
Тәрәфләр һәмчинин бирҝә һәрби тәлимләрин кечирилмәси барәдә разылыға ҝәлибләр .
Үч һәфтә бундан әввәл ики Кореја арасында атәш мүбадиләси нәтиҹәсиндә Ҹәнуби Корејанын
4 вәтәндашы ,о ҹүмләдән ики әсҝәр һәлак олду.
Бу гаршыдурма бөлҝәдә вәзијјәти критик һәддә ҝәрҝинләшдирди вә Ҹәнуби Кореја тәһдидләрә ҹаваб олараг Сары дәниз суларында АБШ -ла бирликдә һәрби тәлимләр кечирди.
Пхенјан бу тәлимләри Кореја јарымадасында ҝәрҝинлик амили сајыр .
Диггәт: Хәбәрдән истифадә етдикдә мәнбәјә истинад лазымдыр.
