Әһли Бејт -АБНА- хәбәр аҝентлијинин вердији хәбәрә әсасән: Ҝүрҹүстанын “Санвеј” авиаширкәтинә мәхсус Ил-76 јүк тәјјарәсинин Пакистанын Карачи шәһәриндә гәзаја уғрамасы нәтиҹәсиндә 20 нәфәр һәлак олуб. Онлардан 8-и екипаж үзвүдүр.
Судана истигамәт ҝөтүрән тәјјарә Карачи аеропортундан галхандан аз сонра нојабрын 28-дә јерли вахтла саат 1.48-дә (Бакы вахты 00.48) тикилиләрин үстүнә дүшүб.
Екипаж үзвләри арасында 1 Русија, 7 Украјна вәтәндашы олуб.
Гәзанын сәбәбләри һәләлик мәлум дејил. Шаһидләрин сөзләринә ҝөрә, тәјјарә һаваја галхандан аз сонра мүһәррикләрдән бири алышыб, сонра алов тәјјарәнин ганадыны бүрүјүб.
Һадисә јериндә хиласедиҹиләр ишләјирләр.
Диггәт: Хәбәрдән истифадә етдикдә мәнбәјә истинад лазымдыр
