Ајәтуллаһ Әмҹәд Ислам ҹәмијјәтиндә танынмыш сималардандыр. Онун дәјәрли төвсијәләри илаһи ешг јолчуларына һәмишә јардымчы олуб. Һазыркы јазы Ајәтуллаһ Әмҹәдин она үнванланмыш суаллара ҹаваблары әсасында тәртиб едилмишдир. Устадын 40 төвсијәсини истәкли мөминләрин нәзәринә чатдырырыг:
1. Нә вахт чәтинлијә дүшдүнүз сәҹдә гылын вә јунисијјә зикри дејин: “Ла илаһә илла әнтә субһанәкә, инни кунту минәз-залимин.”
2. 14 мәсумдан савајы кимсәни, һәтта арифләри мүтләг мүдафиә етмәјин.
3. Ата-ананы һәтта бир дәгигә нараһат етмәк ҝүнаһдыр.
4. Мејар партија вә груп мәнафеји јох, дини дәјәрләрдир - јохса динсиз оларыг.
5. Дүнја илә бағлы һәр шеји удузун ки, галиб оласыныз.
6. Гураны дәрк едәнәдәк охујун...
7. Инсан өләндә мүридләрини, мәгамы, китабханасыны өзү илә апармыр – бунлар әсас дејил!
8. Тәәссүф ки, буҝүнкү ҹәмијјәтимиздә дүшүнмәк чох азалыб, бир чох проблемләрин көкү бундадыр.
9. Бу бир ифадә һәјаты ширин едир: “Мән мүгәссирәм!”
10. Ҹәһәннәм үфунәтлә долу олса да, әмәлсиз алимин пис гохусу ҹәһәннәм әһлини икигат инҹидир.
11. Бир иши ҝөрүб-ҝөрмәмәк јох, нијјәт мүһүмдүр.
12. Бәндәнин ән дәрин сөзү будур: “Аллаһ вар!”
13. Бош јерә о јан-бу јана гачмајаг, Аллаһдан савајы иш дүзәлдән јохдур.
14. Аллаһ бәндәсинин диләнмәсини севир, амма инсанларын јох, Аллаһын гапысында диләнмәсини!
15. Аз да олса јалныз Аллаһ үчүн иш ҝөрәк.
16. Сиз нәфси танымырсыныз, онун өһдәсиндән јалныз Аллаһ ҝәлә биләр. О (нәфс) бөјүк инсанларын архасыны јерә вуруб.
17. Мүштәрәк һәјат ганунлар јох, ҝүзәшт, һәмкарлыг, сәфа-сәмимијјәт әсасында олмалыдыр.
18. Вүгары тәкәббүрлә сәһв салмајын.
19. Нәфси арам едән јалныз илаһи ешгдир.
20. Елми олан, амма һелми олмајан инсан тәһлүкәлидир.
(ардыны излә)
