Әһл Бејт – АБНА – хәбәр аҝентлији РИА Новости аҝентлијинин вердији хәбәрә әсасән, Еквадорун полис әмәкдашлары онларын имтијазларын ләғв олунмасыны нәзәрдә тутан ганунун гәбул олунмасына етираз едирләр. Онлар Еквадор президенти Рафаел Корреаны хәстәханада блокадада сахлајырлар. Онун тәрәфдарлары полис кордонуну јармаға мүвәффәг олсалар белә амма хәстәханаја дахил ола билмәјибләр. Полис кордонуну јармаға чалышан нүмајишчиләрә гаршы полис ҝөзјашардыҹы газдан истифадә едиб вә резин ҝүлләрлә илә атәш ачыб.
Президент Рафаел Корреан үсјанчы полис әмәкдашлары вә мүхалифәти дөвләт чеврилишнә ҹәһд етмәкдә иттиһам едиб. Өлкәдә фөвгәладә вәзијјәт елан едилиб.
Еквадорун хариҹи ишләр назири Рикардо Патино үсјанчы полис әмәкдашлары илә президент Рафаел Корреанын тәрәфдарлары арасында тоггушма заманы јараланыб.
Бу иғтишашларда бир нәфәр һәлак олуб, 50 нәфәр јараланыб
Еквадор пајтахты Китода үсјанчылар бир неҹә телеканалын јајымыны дајандырмаға ҹәһд едибләр. Онлар казармалары, пајтахт аеропортуну, јерли телеширкәти Гама ТВ вә өлкәнин дөвләт телеканалы Еквадор ТВ зәбт едибләр. Кито бејнәлхалг һава лиманы вә бир неҹә һәрби база да үсјанчыларын әлиндәдир.
Перу вә Колумбија Еквадорла сәрһәдини бағлајыблар. БМТ, АБШ вә Куба Еквадор президенти Корреана там дәстәјини билдириб.
ДИГГӘТ : Хәбәрдән истифадә етдикдә мәнбәјә истинад лазымдыр.
