Әһл Бејт – АБНА – хәбәр аҝентлији Лент.аз-ын Назирләр Кабинетинин рәсми сајтына истинадән вердији мәлумата ҝөрә, Назирләр Кабинети Дахили Ишләр Назирлији, Игтисади Инкишаф Назирлији, Фөвгәладә Һаллар Назирлији, Милли Тәһлүкәсизлик Назирлији вә Хүсуси Дөвләт Мүһафизә Хидмәти илә разылашдырылмыш тәклифи нәзәрә алараг белә бир гәрар вериб.
Гәрарда гејд олунур ки, әһалинин тәһлүкәсизлијинин, дөвләтин, физики вә һүгуги шәхсләрин гануни мәнафеләринин һүгугазидд әмәлләрдән горунмасы, һүгуг гајдасына риајәт едилмәси вәзијјәтинин фасиләсиз вә ҹанлы изләнилмәси, гануназидд һәрәкәтләрә, фөвгәладә һаллара чевик реаксија верилмәси мәгсәди илә Дахили Ишләр Назирлијинин видеонәзарәт системләри ашағыдакы јерләрдә вә објектләрдә гурашдырылсын:
паркларда, хијабанларда, мејданларда, күчә вә проспектләрдә, јералты кечидләрдә;
стадионларда вә идман ареналарында;
бөјүк тиҹарәт вә әјләнҹә мәркәзләриндә;
меһманханаларын јахынлығында;
мәсҹидләрин, килсәләрин, синагогларын, зијарәтҝаһларын вә диҝәр күтләви ибадәт јерләринин билаваситә јахынлығында;
нәглијјат инфраструктурларында:
јерли вә республика әһәмијјәтли јолларда вә автомаҝистралларда;
јол өтүрүҹүләриндә вә көрпүләрдә;
автомобил вә дәмир јолу вағзалларында, һава вә дәниз лиманларында;
дәмир јолу вә метро стансијаларында, платформаларында;
автомобил, һабелә сәрнишин дашыјан нәглијјат васитәләринин парк вә дајанаҹагларында;
сәрнишин дашымаларында истифадә едилән нәглијјат васитәләриндә;
Азәрбајҹан Республикасынын иҹра, ганунвериҹилик вә мәһкәмә һакимијјәти органларынын инзибати биналарынын әтрафында;
һәјат тәминатлы мүһүм вә стратежи әһәмијјәтли дөвләт објектләринин јахынлығында;
мүлкијјәт нөвүндән асылы олмајараг, банк вә кредит тәшкилатларынын әтрафында;
Азәрбајҹан Республикасында фәалијјәт ҝөстәрән хариҹи өлкәләрин дипломатик нүмајәндәликләринин вә консуллугларынын, бејнәлхалг тәшкилатларын нүмајәндәликләринин биналарынын әтрафында;
тәһсил мүәссисәләринин јахынлығында;
бүтүн таксофон апаратларынын билаваситә јахынлығында
