Әһл Бејт-АБНА-хәбәр аҝентлијинин хәбәринә әсасән бир груп Ҝәнҹә сакининин Јевлах рајон Иҹра башчысы Јелмар Вәлијевә үнванландығы АЧЫГ МӘКТУБда илҝинҹ фактлардан данышылыр Бир Груп Ҝәнҹә сакини Јевлах рајонунда диндарлара гаршы тәзјиглә әлагәдар, сөзүҝедән рајонун иҹра башчысы Јелмар Вәлијевә ачыг мәктуб үнванлајыб. Мәктубда дејилир: "Ҹәнаб Јелмар Вәлијев! Бу мәктуб сизә азад вә демократик бир өлкә олан Азәрбајҹанын азад инсанлары тәрәфиндән јазылмышдыр. Бу мәктубу јазмаға сәбәб сизин рәһбәрлик етдијиниз Јевлах шәһәриндә сон заманлар инанҹлы, диндар инсанлара гаршы едилән репрессијалар вә бир груп инсанларын дини инанҹларына ҝөрә, сизин тапшырығыныза әсасән тәгибләрә мәруз галмаларыдыр. Хејли замандыр ки, биз Јевлахда сизин гәзәбинизә туш ҝәлмиш инанҹлы инсанларын вәзијјәтини изләјирик. Сонунҹу һал кими әзиз Ислам пејғәмбәри Һәзрәти Муһәммәдин (с) севимли гызы ханым Фатимеји Зәһранын (ә.с) мүбарәк доғум ҝүнүнү мүсәлман баҹы вә гардашларымыз тәрәфиндән бајрам кими гејд еләмәк истәкләринин сизи даһа да һиддәтләндирдијинин шаһиди олуруг. Һиддәтиниз о гәдәр ајдын сезилир ки, һәтта тәмсил етдијиниз Азәрбајҹан Республикасынын ганунларыны да ајаг алтына атыб тапдаламағыныза һамы шаһидидир. Ҹәнаб Јелмар Вәлијев! Сизә дә јахшы мәлум олдуғу кими, Азәрбајҹан Республикасынын Конститусијасынын 1-ҹи вә 7-ҹи маддәләринә әсасән, Азәрбајҹан Республикасы демократик, һүгуги дөвләтдир вә Азәрбајҹан Республикасында дөвләт һакимијјәтинин јеҝанә мәнбәји Азәрбајҹан халгыдыр. Јевлах сакинләри дә бу халгын тәркиб һиссәсидир. Сизин дә вәзифәниз бу халгла истәдијиниз кими рәфтар етмәк јох, онлара хидмәт етмәкдир. Доғрусу, ганунлар һаггында там мәлуматлы олдуғунузу билдијимиз үчүн сизә вәтәндашларын һүгуглары һаггында олан Азәрбајҹан ганунларыны садаламаг фикриндән узағыг. Лакин сизин Јевлахда ҝөрмүш олдуғунуз бир чох ишләрин, о ҹүмләдән инсанлары сифаришлә һәбс етдирмәјиниз, мәсҹидин һәјәтини кимләрәсә нәјинсә мүгабилиндә “пешкәш” етмәк истәјиниз, һиҹаблы ханымларын Јевлахдан кәнара чыхмаларына гојдуғунуз гадаға, саһибкарларын тиҹарәт објектләринин ганунсуз олараг бағлатдырмағыныз вә бу кими чохлу һалларын да гануна зидд олдуғуну сизә хатырлатмадан кечмәк истәмәдик. Сизин етдикләриниз бу вә бу кими бир чох һалларын һүгугла һеч ҹүр узлашмадығыны нәзәринизә чатдырырыг. Мәгсәдимиз сонунҹу зоракы һәрәкәтләринзә диггәт чәкмәк олдуғу үчүн, сизин Јевлахдакы башга “тәрифәлајиг” һәрәкәтләриниз вә евләриниздән биринин јерләшдији Ҝөј-Ҝөл рајон Михајловка кәндинин кәнд бәләдијјәсинин сәдрини дөјмәјиниз, газ, ишыг, телефон өдәнишләри үчүн евинизә ҝәлән Ҝөј-Ҝөл рајонунун мәмурларыны сөјүб говмағыныз, евинизә јахын торпагларын мүлк саһибләрини өз торпагларыны сизә сатмаға мәҹбур етмәјиниз вә бир чох һаллар барәдә данышмаг фикриндән узағыг. Ҹәнаб Јелмар Вәлијев! Сиз бөјүк бир шәһәрин рәһбәри олдуғунуз үчүн, мүсәлманларын биринҹи Имамы олан Һәзрәт Әлинин (ә) хилафәти дөврүндә Мисир валиси Малик Әштәрә јаздығы бир тапшырығы сизә хатырлатмаг истәјирик. Һәзрәт Әли (ә) јазыр ки; “Унутма! Рәһбәри олдуғун инсанлар ја сәнин дин гардашларындыр, ја да сәнин кими бир инсандыр. Одур ки, даима әдаләтә риајәт ет.” Бу рәһбәрлик вәзифәси алмыш һәр бир инсана Имам Әли (ә) тәрәфиндән верилмиш бир тапшырыгдыр. Бу мәктуб сизә һәм азад өлкәнин азад вәтәндашлары тәрәфиндән, һәм дә Аллаһын азад бәндәләри тәрәфиндән јазылмышдыр. Үмидварыг ки, бу гануназидд вә Аллаһ ризасындан узаг һәрәкәтләриниздән тезликлә әл чәкәҹәк вә өз вәзифәнизә там мәсулијјәтлә әмәл едәҹәксиниз. Аллаһ евинә (мәсҹидә) вә Аллаһ достларына (диндарлара), еләҹә дә өлкә ганунларына вә өлкә вәтәндашларына һөрмәтлә јанашаҹагсыныз. Аллаһ еләмәсин бу кими әмәлләринизә давам едәҹәјиниз тәгдирдә ики бөјүк учурум гаршысында галаҹагсыныз. 1.Ганунлары тапдаламаға давам едәҹәксиниз ки, бунун мүгабилиндә ҝеҹ-тез ганун гаршысында ҹаваб вермәли олаҹагсыныз вә Азәрбајҹан ганунвериҹилији илә мәсулијјәтә ҹәлб олунаҹагсыныз. 2. Аллаһла мүһарибә елан етмиш олаҹагсыныз ки, бунун аҹысы даһа шиддәтли вә даһа узунмүддәтли олаҹаг. Белә олан һалда ҹәза да Аллаһын өз өһдәсинә дүшәҹәк. Аллаһ исә залымлара ҝүзәшт етмәз. Неҹә ки, Фирон Аллаһла дүшмәнчилик ејдији үчүн һәм бу дүнјасы мәһв олду, һәм дә ахирәти. “Һәгигәтән, залымлар ниҹат тапмајаҹаглар!” Әнам сурәси, 21-ҹи ајә Ҹәнаб Јелмар Вәлијев! Үмүдварыг ки, тезликлә Јевлах шәһәриндә баш вермиш нараһатедиҹи һаллар сизин рәһбәрлијиниз алтында өз мүсбәт һәллини тапаҹаг, һеч кимин ирадәси ганундан јухарыда дајанмајаҹаг вә Аллаһ бәндәләри Аллаһа ибадәт етдикләри үчүн тәгиб олунмајаҹаглар. Сизи Аллаһа тапшырырыг." Гејд едәк, рајон сакинләриндән алдығымыз сон мәлумата ҝөрә, иҹра башчысы бу ганунсуз әмәлләринә ҝөз јумулдуғуну ҝөрүб, бир аз да ирәлијә ҝедиб. О, рајондакы тиҹарәт објектләринә ҝөстәриш верәрәк, инанҹлы шәхсләрлә алвер етмәмәји сөјләјиб. Бундан әлавә, шәһәрдәки маршрутлара да тапшырыг вериләрәк, һиҹаблы ханымларын маршрута миндирилмәмәси әмр едилиб.
