ББҸ Америка алимләринә истинадән хәбәр верир ки, көрпәләр һәјатларынын илк ајларында сосиал тәһлил етмәк баҹарығына малик олур, әдаләтли вә мәрһәмәтли инсанлары даһа дәгиг таныјырлар. Аллаһ јахшыны писдән сечмәк истедадыны бүтүн инсанлара әта етмишдир. Фитрәти мүһит чиркабына булашмамыш көрпәләрдә бу истедад даһа тез өзүнү ҝөстәрир. Ушаглар сахта мәһәббәти даһа дәгиг дәјәрләндирир. Тәдгигатын мүәллифләри Натуре журналында јазырлар ки, бу истедад көрпәләрә сонракы илләрдә фикир јүрүтмәк вә аддым атмаг үчүн әсас јарадыр. Арашдырманын апарыҹы мүәллифләриндән бири Кајли Һамлин дејир: "Алты ајлыг көрпәләр артыг чох шеји өјрәнмиш олурлар. Биз демирик ки, көрпәләрдә мәнәви принсипләр формалашмыш олур. Лакин онлар кимисә хошлајыр, кимдәнсә хошлары ҝәлмир. Бу онларда мүәјјән дәјәрләндирмә механизминин олдуғундан хәбәр верир."
