Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: “Гуинҹј” аналитик мәркәзинин иҹрачы мүавини Трита Парси НПР радиосуна мүсаһибәсиндә билдириб ки, Ирана гаршы мәһдуд һүҹумларын һәјата кечирилмәси идејасы АБШ үчүн “бөјүк јанлыш һесабламадыр” вә Вашингтон данышыглар масасында Теһрана реал ҝүзәштләр тәгдим етмәлидир.
О гејд едиб ки, АБШ администрасијасы Иранын данышыгларда ҝери чәкиләҹәји үмиди илә мәһдуд һүҹум вариантыны нәзәрдән кечирир. Онун фикринҹә, бу, ҹидди сәһв һесабламадыр. Чүнки һазырда Иран үчүн масада олан тәклифләр олдугҹа әлверишсиздир вә ҹәлбедиҹи дејил. Һәтта реал санксијаларын ләғви тәклиф белә олунмајыб, јалныз јени санксијаларын тәтбиг едилмәјәҹәји вәди верилиб.
Онун сөзләринә ҝөрә, мөвҹуд санксија сәвијјәси Иран игтисадијјатына ҹидди тәзјиг ҝөстәрир вә Теһран бу вәзијјәтлә давам едә билмәз. Иранын реал санксија ләғвинә еһтијаҹы вар вә буна наил олмаг үчүн әсас тәзјиг рычағы кими нүвә програмындан истифадә едир.
Sizin rəyiniz