Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ајәтуллаһ Хаменеи Мүгавимәт Ҹәбһәсинин сон гәләбәләри вә дүшмәнин өз мәгсәдләринә чатмамасына ҹаваб олараг, бу ҹәбһәнин јекун гәләбәсинә наил олмаг вә сионист режимин шәрини дәф етмәк үчүн бәзи дуаларын охунмасы илә бағлы суала ҹаваб олараг, “Фәтһ” сурәсини, “Сәһифә Сәҹҹадијјә”нин он дөрдүнҹү дуасы илә “Тәвәссүл” дуасыны давамлы шкилдә охумағы төвсијә едиб.
Бу барәдә Һөҹҹәтүл-Ислам Һаҹы Әли Әкбәри хәбәр вериб:
“Мәрһәмәтли вә Рәһмли Аллаһын ады илә!
...Белә бир вәзијјәтдә мүгавимәт ҹәбһәсиндә, бүтүн мүгавимәт бөлҝәсиндә, хүсусилә Фәләстин, Гәзза вә Ливан бөлҝәләриндә даһа бөјүк гәләбәләр әлдә етмәк үчүн һансы дуанын охунмасынын даһа јахшы олаҹағы илә бағлы севимли Рәһбәримизин фикрини өјрәнмәк истәдик. Сорушдум вә өјрәндим ки, севимли Рәһбәримизин фикри беләдир:
Гурани-Кәримдән бөјүк мүждәләр еһтива едән мүбарәк Фәтһ сурәсини охујун; Бу мүбарәк Әл-Фәтһ сурәсиндә зәфәрләр, бағлы гапыларын вә дүјүнләрин бөјүк ачылышларындан, Илаһи зәфәрдән хәбәр верилир.
Дуалара ҝәлинҹә, мүбарәк Сәһифәи Сәҹҹадијјәнин он дөрдүнҹү дуасыны охумағы төвсијә едирәм, бу дуа баш верән ағыр аҹы һагсызлыглара гаршы Уҹа Аллаһдан гәләбә диләјән бир дуадыр. Тәбии ки, бу дуада елә бир һиссә вар ки, орада ад чәкилир – орада “филанкәс оғлу филанкәс” сөзү дејилир – вә бу адын јеринә иншаллаһ бу дуаны охујан заман сиз сионистләрин, Американын вә бу кими залым режимләрин вә әхәслрин адларыны чәкәсиниз. Бу дуа чох шәрәфли вә мәналы бир дуадыр ки, әслиндә залымларын шәрриндән Уҹа Аллаһа сығынырыг вә бу дуада мәзлумлара көмәк едәҹәјини вәд едән Аллаһдан бу ҝөзләнтимиз вар.
Һәмчинин Тәвәссүл дуасы охунмалыдыр; Бу дуада, Аллаһ-Тааланын һүзурунда Әһли-бејтин (ә) нурлу адыны зикр едиб, онларын пак руһларындан көмәк диләнилир, Иншаллаһ, Аллаһ-таала онларын адларынын вә мүгәддәс варлыгларынын бәрәкәти, һәгигәтләри вә нуранилији еләҹә дә Өз лүтф вә кәрамәти илә үммәт вә мүгавимәт ҹәбһәсинин даһа чох мүшкүлләрин һәлл едәр, зәфәр, фәтһ вә гәләбәләр ҝәтирәр.”
Sizin rəyiniz