АБНА24 Хәбәр Верир, Теһран Тибб Елмләри Университетинин Клиник Тәдгигат Мәркәзинин директору Һамид Һүсејни дејиб: "Иранын коронавирус пејвәндинин инсан үзәриндә тестинин икинҹи мәрһәләси үчүн лисензија дүнән ҝеҹә верилиб вә бу мәрһәлә бу ҝүндән башлајаҹаг. Һүсејни Иран ваксининин бу һәфтәнин сонунадәк 4 көнүллүјә вурулаҹағыны бәјан едәрәк, әлавә едиб: "Икинҹи мәрһәләнин нәтиҹәләри ҝәлән һәфтәнин әввәлиндә мониторинг комитәсинә елан едиләҹәк". Теһран Тибб Елмләри Университетинин Клиник Тәдгигат Мәркәзинин директору инсани сынағын илк мәрһәләсиндә пејвәнд олан көнүллүләрин үмуми вәзијјәти илә бағлы дејиб: "Һазырда онлар јахшыдырлар вә һәр шеј өз гајдасындадыр". Һүсејни иранлы коронавирус пејвәндинин клиник сынагларынын илк фазасынын ики ај сүрәҹәјини билдириб вә дејиб: "Бу мәрһәләдә 56 көнүллү иштирак едир вә онлар бу ики ај әрзиндә пејвән олаҹаглар". Онун сөзләринә ҝөрә, ваксин һәр көнүллүјә ики дәфә вә 14 ҝүн фасилә илә вурулур. Гејд едәк ки, иранлы мүтәхәссисләрин коронавируса гаршы һазырладығы "ҸовИран Бәрәкәт" адлы ваксинин клиник сынагларынын илк фазасы декабрын 29-да башлајыб.
342/
