АБНА24 Хәбәр Верир, Иран Ислам Республикасы президенти Һәсән Руһани бу ҝүн Назирләр Кабинетинин иҹласында етдији чыхышында, ҝенерал Сүлејманинин шәһадәтинин илдөнүмүнә тохунараг, дејиб: "Сабаһ сона чатаҹаг ил, АБШ рәсмиләри , о ҹүмләдән бу өлкә президент вә дөвләт катиби тәрәфиндән террор едилән бөјүк бир сәркәрдәнин шәһид олмасынын кәдәр вә ағрысы илә јадда галды". Иран Ислам Республикасы президенти башгаларынын да Ислам Ингилабы Кешикчиләри Корпусу Сепаһ-ын Гүдс Гүввәләринин команданынын террор едилмәсиндә иштирак етдијини вә ролу олдуғуну бәјан едәрәк, гејд едиб ки, бу әзиз шәһидин ганынын гисасыны алмаг вә онун ајрылмаз һүгугларыны мүдафиә етмәк Иран халгынын һаггыдыр. Руһани Иранын мүхтәлиф шәһәрләриндә шәһид Сүлејманинин ҹәназәсинин мөһтәшәм мүшајиәт мәрасимини хатәрладыб вә әлавә едиб: "Трамп вә Исраил режими бүтүн Иран, Ираг, Ливан вә реҝион халгынын бу ҝенералын ајрылығы кәдәриндә күчәләрә ахышаҹағыны дүшүнмүрдүләр". Иранын иҹра һакимијјәтинин башчысы сонра дејиб: "Ираг дпарламентариләринин АБШ һәрбчиләринин бу өлкәдән чыхарылмасы үчүн вердикләри гәрар, Ирагда һансыса бир мөвгејә саһиб олдуғуну дүшүнмәмәси үчүн АБШ-ын террорчу режиминә вурулан бир шиллә иди". "Шәһид Сүлејмани варды, о, тарихин ҹанлы шәһидидир вә мүгавимәт сәһнәси ејни ҹошгу вә һәјәҹанла вә һәтта даһа ҝүҹлү өз ишинә давам етдирир", - дејә Руһани әлавә едиб. Иран Ислам Республикасынын президенти 2020-ҹи илин дүнјанын бүтүн өлкәләри үчүн чәтин бир ил олдуғуну бәјан едәрәк, дејиб: "Дүнја өлкәләри бу илин әввәлиндән вә һәтта 2019-ҹу илин сонларындан етибарән, кечән әсрдә бәнзәри олмајан бир вируса дүчар олдулар. Мәдәнијјәт, тәһсил, ҹәмијјәтин игтисади әлагәләри вә бир чох шејләр проблемлә үзләшди вә дүнјанын бүтүн өлкәләри игтисади, тәһсил, мәдәни вә ҹәмијјәтин сағламлығы бахымындан бөјүк проблемләлә үз-үзәдирләр".
342/
