АБНА24 Хәбәр Верир, Сәид Хәтибзадә Трампа төвсијә едиб ки, Ағ Евдәки һәјатынын сон ҝүнләриндә ҝәрҝинлик јаратмагдан вә тәһлүкәли авантүралардан чәкинсин. Хәтибзадә бу ҝүн Доналд Трампын, һәмчинин СЕНТКОМ-ун иҹтимаи мәсәләләр бөлмәсинин анти-Иран иддиалары вә ҹәфәнҝијјатларына ҹаваб олараг, дејиб: Бундан өнҹә дә дејилдији кими, Иранын Америка терроризминә ҹавабы/ ашкар, шүҹаәтли вә өзүнә ујғун сәвијјәдә олур; буна ҝөрә дә, Америка режими јахшы оларды ки, өз фитнәкарлыгларыны әсасландырмаг үчүн даһа инандырыҹы ссенариләрдән јардым алсын. Трамп илә СЕНТКОМ-ун иттиһамларыны рәдд едән Иран Хариҹи Ишләр Назирлијинин рәсми нүмајәндәси вурғулајыб: Дәфәләрлә билдирилдији кими, дипломатик вә јашајыш мәканларына һүҹум рәдд олунур вә бу хас мәсәләдә иттиһам бармағы Американын өзүнә, һәмчинин онун, јени фитнәкарлыглар төрәтмәк вә мөвҹуд ҝәрҝинликләри артырмаг ардынҹа олан реҝиондакы шәрикләри вә мүттәфигләринә тәрәф узаныр. Хәтибзадә сөјләјиб: Бу кими тәкрар иттиһам вә ифадәләр Ағ Ев-дә бир адәтә чеврилмиш «ҝүнаһы башгасынын бојнуна јыхмаг» формасында олан сахта вә әсассыз иттиһам вә ифадәләр кими дәјәрләндирилә биләр вә онлар Трампын дүшдүјү чох чәтин шәраити өрт-басдыр етмәк мәгсәдилә ирәли сүрүлүр. Америка президенти Доналд Трамп өз твиттер сәһифәсиндә һеч бир факт тәгдим етмәдән вә сырф бир нечә намәлум мәрми гәлпәсинин тәсвирини пајлашмаг мәгсәдилә Ираны АБШ-ын Бағдаддакы сәфирлијинә гаршы ракет һүҹуму һәјата кечирмәкдә иттиһам едиб. Бағдадын Әлһәзра бөлҝәси базар ҝүнү ахшамчағы азы сәккиз ракет һүҹуму һәдәфинә чеврилибдир ки, онун ардынҹа Америка сәфирлији бу һүҹуму тәсдигләјәрәк, билдирибдир ки, сәфирликдә јерләшән ракет мүдафиә системи бу ракетләри дәф едибдир.
342/
