АБНА24 Хәбәр Верир, Доналд Трамп һәмин сәрәнҹамы јерли вахтла чәршәнбә ахшамы ҝүнү Ағ Ев-дә имзалајыб. Трамп иддиа едибдир ки, ваксинасијанын башландығына ҝөрә, гаршыдакы ајларда бу өлкәдә коронавируса јолухма сајы кәскин тәрздә азалаҹагдыр. Трампын сәрәнҹамы әсасында өнҹә американлара коронавирус пејвәнди вурулмалы вә сонрадан бу ваксин диҝәр өлкәләрә пајаланмалыдыр. Трампын бу јени сәрәнҹамы, Үмумдүнја Сәһијјә Тәшкилатынын коронавирус пејвәндинин ајры-сечкилик олмадан өлкәләр арасында пајланмасына даир төвсијәләринә зиддир. Трампын иддиасынын әксинә олараг, Америка һазырда он беш милјон нәфәрдән чох коронавирус хәстәси вә бу хәстәликдән ирәли ҝәлән өлүм һаллары илә дүнјада биринҹидир. Америка Аллерҝија вә Јолухуҹу Хәстәликләр Институтунун директору Ентони Фаучи, сон заманлар хәбәрдарлыг едибдир ки, бу өлкәдә коронавируса јолухма вә бу хәстәликдән ирәли ҝәлән өлүм һаллары әсаслы шәкилдә азалмазса, 2021-ҹи ил јанвар ајынын орталарына гәдәр АБШ-да шәраит бөһран сәвијјәсинә галхаҹагдыр.
342/
