АБНА24 Хәбәр Верир, Шәһид Фәхризадәнин аиләси, СЕПАҺ-ын баш команданы ҝенерал-полковник Һүсејн Сәлами, Иран Ордусунун баш команданы ҝенерал-полковник Әбдүррәһим Мусәви, мүдафиә назири ҝенерал-мајор Әмир Һатәми, СЕПАҺ-ын Гүдс Гүввәләринин команданы ҝенерал Гаани, СЕПАҺ-ын гуру гошунларынын команданы ҝенерал Мәһәммәд Хакпур, Иранын јол вә шәһәрсалма назири Мәһәммәд Ислами, Атом Енержиси Тәшкилатынын сәдри Әли Әкбәр Салеһи вә бир сыра диҝәр сијаси вә һәрби рәсмиләрин иштиракы илә кечирилән бу мәрасимдә Әһли-Бејт (ә) мәдһијјәчиләриндән олан Меһди Рәсули нөвһәханлыг едиб вә Әба-Әбдиллаһил Һүсејн (ә)-ын мүсибәтини зикр едиб. Мәрасимин давамында Мүдафиә Назирлији нәздиндә Идеоложи-Сијасәт Идарәсинин сәдри Сејид Зијаәд-Дин Ағаҹанпур Ислам Ингилабынын Бөјүк Рәһбәринин шәһид Мөһсүн Фәхризадәнин шәһадәти мүнасибәтилә үнванладығы мүраҹиәти гираәт едибләр, сонра исә нүвә шәһидинин пак ҹәназәсинә намаз гылыныб вә пак ҹәназә дәфн едилмәк үчүн Теһрандакы Имамзадә Салеһ (ә)-ын һәрәминә көчүрүлүб вә намәлум шәһидләр вә шәһид Шәһриаринин јанында торпаға тапшырылыб. Гејд едәк ки, бундан әввәл бу шәһидин пак ҹәназәси илә вида мәрасими Мәшһәд Вә Гум шәһәрләриндә Һәзрәт Әли ибн Муса Әр-Риза(ә)-ын вә Һәзрәт Фатимеји-Мәсумә(с.ә)-нын, һәмчинин Ислам Республикасынын баниси Имам Хомејни(р.ә)-ин һәрәмләриндә дә кечирилиб.
342/
