АБНА24 Хәбәр Верир, Ермәнистанын баш назири Никол Пашинјан Русијанын хариҹи ишләр назири Серҝеј Лавров илә кечирилән ҝөрүшдә ики өлкә арасындакы әмәкдашлыгларын ҝенишләндирилмәси ваҹиблијини вурғулајыб вә Гарабағ Мүһарибәсиндән сонра Москва илә Ирәван арасында стратежи әлагәләрин инкишафынын ваҹиб олдуғуну билдириб. "Иран Пресс" хәбәр аҝентлијинин мәлуматына ҝөрә, Никол Пашинјан ики өлкә арасындакы стратежи әлагәләрә јенидән бахылмасы ваҹиблијини вурғулајыб. Русијанын хариҹи ишләр назири дә бу ҝөрүшдә, гејд едиб ки, Дағлыг Гарабағда атәшкәслә бағлы Русија, Азәрбајҹан вә Ермәнистан лидерләри арасында имзаланмыш бәјанаты шүбһә алына алмаг ҹәһдләри гәбуледилмәздир". Серҝеј Лавров әлавә едиб: "Русија Гарабағда һуманитар проблемләрин вә гачгынлар мәсәләсинин һәллинә садигдир". Русија хариҹи ишләр назири Дағлыг Гарабағ мүһарибәсини мүзакирә етмәк үчүн Ермәнистан президенти Армен Саркисјанла да ҝөрүшүб. Серҝеј Лавров, һәмчинин Ермәнистанын јени хариҹи ишләр назири Ара Ајвазјан илә ҝөрүшүб. Бу ҝөрүшдән әввәл дә Русијанын мүдафиә назири Серҝеј Шојгу Ирәванда Ермәнистанын баш назири Никол Пашинјанла ҝөрүшәрәк, Гарабағын әтрафындакы сон һадисәләр вә ики өлкә арасындакы әмәкдашлығын инкишафыны имүзакирә едибләр.
342/
