АБНА24 Хәбәр Верир, Мәһәммәд Ҹавад Зәриф чәршәнбә ҝүнү өз твиттер һесабында Бирләшмиш Штатларын һәлә БМТ үзвү олмасына ишарә илә јазыб: Әҝәр Америка өз өһдәликләрини Тәһлүкәсилзик Шурасынын 2231 сајлы гәтнамәсиндә гејд олундуғу кими иҹра едәрсә, Иран да нүвә анлашмасындакы өһдәликләрини јеринә јетирәҹәкдир. Зәриф сонра билдириб: Әҝәр Бирләшмиш Штатлар бир даһа нүвә анлашмасына гошулмаг истәмиш оларса, Иран Америка үчүн «нүвә анлашмасында иштиракчы» адынын бәрпа олунмасы шәраити барәдә мүзакирә етмәјә һазыр олаҹагдыр. Америка президенти Доналд Трамп 2018-ҹи ил мајын сәккизиндә биртәрәфли сурәтдә Вашингтонун нүвә анлашмасындакы өһдәликләрини позмагла өлкәсини бу бејнәлхалг анлашмадан чыхарды. Медиаларын Америка президент сечкиләринин галиби кими тәгдим етдикләри демократ партијасынын намизәди Ҹо Бајден бундан өнҹә демишди ки, Америка президенти кими Ағ Ев-ә дахил олаҹағы тәгдирдә, нүвә анлашмасына ҝери дөнәҹәкдир.
342/
