Әһли Бејт - АБНА – Хәбәр Аҝентлијинин вердији хәбәрә әсасән, азәрбајҹанлыларын Украјнада даими фәалијјәт ҝөстәрән беш ибадәт оҹағы вар. Бунлар Харков "Имам Әли" мәсҹиди, Харков "Әһли-бејт" һүсејнијјәси, Кијев "Әһлул-Бејт" һүсејнијјәси, Кијев "Әл-Мустәфа" Әһли-бејт һүсејнијјәси вә Виннитса "Әһли-бејт" һүсејнијјәсидир.
Бу фикирләри СаламНjyс-а ачыгламасында Украјнада јашајан илаһијјатчы алим Һаҹы Намиг Бабахан билдириб.
Онун сөзләринә ҝөрә, һазырда Украјнада чох азад дини мүһит вар, бүтүн динләрин вә тәригәтләрин нүмајәндәләри чох сәрбәст вә дөзүмлү шәкилдә дини фәалијјәтлә мәшғул олур, ајинләрини иҹра едирләр. Украјна бу саһәдә дүнјаја нүмунә олаҹаг гәдәр инкишафдадыр. Бурада јашајан азәрбајҹанлылар да, тәбии ки, бу имкандан јарарланырлар.
Илаһијјатчы, һәмчинин гејд едиб ки, Харков "Имам Әли" мәсҹидинин тәмири тамамланса да, һазырда ҝенишләндирмә ишләри давам едир. Кијевдә исә мәсҹид тикинтисинә һазырлыг ҝедир. Бундан башга Одесса вә Полтавада да даими ибадәт оҹагларынын ачылышы нәзәрдә тутулуб.
Диггәт: Хәбәрдән истифадә етдикдә мәнбәјә истинад лазымдыр
