Әһли Бејт - АБНА – Хәбәр Аҝентлијинин вердији хәбәрә әсасән, Иран Ислам Республикасынын Һәмәдан Һәрби Һава Лиманындан һаваја галхан Русијанын Ту-22М3 вә Су-34 бомбардманчы тәјјарәләри бу ҝүн Суријада террорчуларын мөвгеләринә авиазәрбәләр ендириб.
Мәлумата ҝөрә, Һәмәдандакы аеродромдан һаваја галхан тәјјарәләр Һәләб, Идлиб, Дејр-әз-Зор вилајәтләриндә јерләшән ИШИД вә “Әл-Нүсра”нын мөвгеләринә зәрбәләр ендириб.
Нәтиҹәдә Русија авиасијасы 5 бөјүк силаһ анбарыны, Серакаб, Әл-Баб, Һәләб, Дејр-әз-Зор јашајыш мәнтәгәләриндә јерләшән тәлим дүшәрҝәләрини дармадағын едиб. Һәмчинин Ҹафра вә Дејр-әз-Зор шәһәрләри јахынлығында террорчуларын 3 идарәетмә мәнтәгәси мәһв едилиб.
Авиазәрбәләр ендирилдикдән сонра тәјјарәләр Иран Ислам Республикасындакы базаја гајыдыблар.
Хатырладаг ки, бундан өнҹә гејд олунан ағыр гырыҹылар Русијадан галхыб Суријада террор әлејһинә әмәлијјатлар һәјата кечирирди. Лакин Русија вә ИИР арасында әлдә едилән јени разылашамаја әсасән артыг бу гырыҹылар ИИР-дакы Һәмәдан базасындан галхыб Суријада әмәлјјатлара ҝедир. Бунунла да һәм учуш хәрҹләри хејли мәбләғдә азалыб, һәм дә ағыр гырыҹылар бундан сонра террор груплашмаларынын мәһви үчүн даһа чох бомба дашыја билир.
Диггәт: Хәбәрдәнистифадәетдикдәмәнбәјәистинадлазымдыр.
