Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, мүбарәк Ислам Дининдә Уҹа вә Әдаләтли Аллаһ бир ај оруҹ тутмағы бәндәләринә ваҹиб етдикдән сонра мүбарәк Рамазан ајы сона јетдикдә вә шәввал ајынын биринҹи ҝүнүн Фитр бајрамы гәрар вериб. Бу бајрам үчүн Фитр Намазыны да тәјин едиб. Фитир намазынын гылынма гајдасыны сајтымызын зијарәтчиләринә тәгдим едирик.
Гејд едәк ки, Бајрам намазы зөһр намазына гәдәр гылынмалыдыр, гылынмадыгда гәзасыны јеринә јетирмәк лазым дејил. Фитр намазы азан вә игамә дејилмәдән гылыныр, Лакин, јахшы олар ки, нијјәт етмәздән әввәл үч дәфә "Әс-салаһ" дејилсин. Бајрам намазы јахшы олар ки, ҹәм һалда гылынсын. Ҹамаат намазы гылындыгда намазда иштирак едәнләрин сајы ҹүмә намазында олдуғу кими, 5 нәфәрдән аз олмамалыдыр.
Дедијимиз кими Фитр намазы Шәввал ајынын биринҹи ҝүнү гылыныр. Јахшы олар ки, шәхс фитр намазыны ҝүн үфүгдән галханда – јәни ҝүнәш чыханда ифрат едиб-јәни гида гәбул едиб фитрә зәкатыны верәндән сонра гылсын.
Фитир намазынын гылынма гајдасы
Фитр намазы ики рүкәт гылыныр. Биринҹи рүкәтдә "Һәмд" (Фатиһә) вә сурәдән сонра беш тәкбир (Аллаһу әкбәр) дејилир вә һәр тәкбирдән сонра бир гнут тутулур. Бешинҹи гунутдан сонра јенидән тәкбир дејилиб руку вә ики сәҹдә јеринә јетирилир. Икинҹи рүкәтдә исә "Һәмд" вә сурәдән сонра дөрд тәкбир дејилир вә һәр биринин арасында гнут тутулур. Сонунҹу гунутдан сонра тәкбир дејилиб биринҹи рүкәтдә олдуғу кими вә ики сәҹдә јеринә јетирилир. Јахшы олар ки, фитр намазы уҹадан вә үстүачыг јердә гылынсын.
Биринҹи вә икинҹи рүкәтләрдә "Һәмд" сурәсиндән сонра истәнилән сурәни охумаг олар. Амма јахшы олар ки, биринҹи рүкәтдә "Һәмд" сурәсиндән сонра "Шәмс", икинҹи рүкәтдә исә "Әла" сурәси охунсун. Фитр бајрамы ҝеҹәси мәғриб вә иша намазларындан сонра һабелә бајрам ҝүнү сүбһ намазындан сонра јахшы олар ки, бу зикрләр охунсун:
(Аллаһу Әкбәр, Аллаһу Әкбәр, ла илаһә илләллаһ валлаһу әкбәр вә илиллаһи һәмд, Аллаһу Әкбәр әла ма һәдана) - (Аллаһ бөјүкдүр, Аллаһ бөјүкдүр, Аллаһдан башга Аллаһ јохдур, Аллаһ бөјүкдүр, бизи һидајәт едән Аллаһа шүкүрләр олсун. Аллаһ бөјүкдүр!)
Гунут
Фитр намазынын гнутунда истәнилән дуаны охумаг олар (доғма ана дилиндә олса белә). Аммабудуаныохуса, даһајахшыолар:(اَللَّهُمَّ اَهْلَ الْكِبْرِياءِ وَ الْعَظَمَةِ وَ اَهْلَ الْجُودِ وَ الْجَبَرُوتِ وَ اَهْلَ الْعَفْوِ وَ الرَّحْمَةِ وَ اَهْلَ التَّقْوى وَ الْمَغْفِرَةِ اَسْأَلُكَ بِحَقِّ هذَا الْيَوْمِ الَّذِي جَعَلْتَهُ لِلْمُسْلِمِينَ عِيْداً وَ لُِمحَمَّدٍ صلى الله عليه وآله وسلم ذُخْراً وَ مَزِيداً اَنْ تُصَلِّيَ عَلى مُحَمَّدٍ وَ الِ مُحَمَّدٍ وَ اَنْ تُدْخِلَنِي فِي كُلِّ خَيْرٍ اَدْخَلْتَ فِيهِ مُحَمَّداً وَ الَ مُحَمَّدٍ وَ اَنْ تُخْرِجَنِي مِنْ كُلِّ سُوءٍ اَخْرَجْتَ مِنْهُ مُحَمَّداً وَ الَ مُحَمَّدٍ صَلَواتُكَ عَلَيْهِ وَ عَلَيْهِمْ، اَللَّهُمَّ اِنِّي اَسْأَلُكَ خَيْرَ ما سَأَلَكَ بِهِ عِبادُكَ الصَّالِحُونَ وَ اَعُوذُ بِكَ مِمَّا اسْتَعاذَ مِنْهُ عِبادُكَ الصَّالِحُونَ (اَلُْمخْلَصُونَ، الُْمخْلِصُونَ.
"Әллаһуммә әһләл-кибријаи вәл-әзәмәһ вә әһләл-ҹуди вәл-ҹәбәрут вә әһләл-әфви вәр-рәһмәһ вә әһләт-тәгва вәл-мәғфирәһ. Әс'әлукә биһәгги һазәл-јәвм әлләзи ҹәәлтәһу лил-муслиминә ијдән вә ли-Муһәммәдин (сәлләллаһу әләјһи вә алиһи вә сәлләм) зухрән вә мәзијда, ән тусәллијә әла Муһәммәдин вә али Муһәммәд вә ән тудхиләни фи кулли хәјрин әдхәлтә фиһи Муһәммәдән вә алә Муһәммәд вә ән тухриҹәни мин кулли суин әхрәҹтә минһу Муһәммәдән вә алә Муһәммәд, сәләватукә әләјһи вә әләјһим. Әллаһуммә инни әс'әлукә хәјрә ма сәәләкә биһи ибадукәс-салиһунә вә әузу бикә миммәс-тәазә минһу ибадукәс-салиһун (әл-мухләсунә, әл-мухлисун)."
Гунутун Тәрҹүмәси
- (Еј бөјүклүјә вә әзәмәтә лајиг оланАллаһ! Ај ҝүзәшт вә мүһрибанлыға лајиг олан Аллаһ! Еј бағышламаға вә ҝүнаһларын үстүнү өртмәјә лајиг олан Аллаһ! Мүсәлманлара бајрам гәрар вердијин бу ҝүнүн хатиринә ки, Муһәммәд вә онун аиләсинә шәрәф вә бөјүклүк нәсиб етдин. Муһәммәд вә онун аиләсинә салам вә салават ҝөндәр. Мәни Муһәммәд вә онун аиләсини дахил етдијин һәр бир хејрә дахил ет вә Мәни Муһәммәд вә онун аиләсинин чыхартдығын бүтүн писликләрдән чыхар. Она вә аиләсинә рәһмәтин олсун. Аллаһым, бу ҹиддијјәтлә Сәнә лајиг олан бәндәләринин истәдикләрини Сәндән диләјирәм. Вә Сәнә лајиг олан бәндәләрин пәнаһ ҝәтирдикләриндән Сәнә пәнаһ ҝәтирирәм).
Мүстәһәб вә бәјәнилән әмәлләр:
* Намазы уҹадан охумаг
* Ҹүмә намазында олдуғу кими, ики хүтбә охумаг - бурада фәрг јалныз хүтбәләрин намаздан сонра охунмасындадыр.
* Намаздан әввәл хурма илә ифтар етмәк
* Намаздан әввәл гүсл алмаг
*Јерә сәҹдә етмәк
*Тәкбир дејилән заман әлләри јухары галдырмаг.
Диггәт: Хәбәрдән истифадә етдикдә мәнбәјә истинад лазымдыр
