Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ислам Ингилабынын Бөјүк Рәһбәри Ислам Шурасы Мәҹлисинин онунҹу дөврүнүн ачылмасы мүнасибәтилә вердикләри мүраҹиәтдә мүгавимәт игтисадијјаты вә ислами мәдәнијјәти Ислам Шурасы Мәҹлисинин ики тәҹили приоритети адландырыблар.
Ислам Ингилабынын Бөјүк Рәһбәри Һәзрәт Ајәтуллаһулузма Хаменеи Ислам Шурасы Мәҹлисинин онунҹу дөврүнүн ачылмасы мүнасибәтилә вердикләри мүраҹиәтдә халгын ганунвериҹилик мәҹлисинин сечилмәсиндәки гәһрәманҹасына иштиракына ҝөрә тәшәккүр едәрәк, Ислам Шурасы Мәҹлисинин үзвләрини ислами мәдәнијјәтин ҝенишләнмәси вә дәринләшмәси, һабелә мүгавимәт игтисадијјатынын реаллашмасына лазым олан мәсәләләри изләмәјә, еләҹә дә ҹинаһ мәсәләләри илә мәшғул олмагдан вә шәхси нијјәтләри үмуми мараглара галиб етмәкдән чәкинмәји төвсијә едибләр.
О һәзрәт мәҹлисин јени дөврүнүн үзвләринә хитабән вурғулајыблар: Сизин ингилаби вә гануни вәзифәниз будур ки, мәҹлиси дүнјанын залым гүввәләринин һәјасызҹасына артыгтамаһлығы вә һијләси гаршысында мөһкәм сәнҝәр вә мөмин вә ингилабчы халгын парлаг истинадҝаһы едәсиниз.
Ислам Ингилабынын Бөјүк Рәһбәри бу мүраҹиәтдә белә гејд едибләр: Иран халгы ганунвериҹилик мәҹлисинин чох әһәмијјәтли сечкиләриндә максимум иштиракла өзүнүн Ислам Республикасы гурулушу илә узун кечмишли бејәтини бир даһа тәкрар етди вә бу ачыг диллә бәдхаһлара ҹаваб верди.
Һәзрәт Ајәтуллаһулузма Хаменеи һәмчинин вурғулајыблар: Реҝион вә дүнјанын туфанлы шәраити вә һеҝемончуларын вә онларын табелијиндә оланларын бејнәлхалг авантүралары Ислами Ираны кечмишдәкиндән даһа мүрәккәб вәзијјәтлә үз-үзә гојубдур.
О һәзрәт Иранын бу шәраитлә үзләшмәк үзрә гүдрәтинин бүтүн мәсул шәхсләр тәрәфиндән тәшәббүсү әлә алмаға, һәмчинин сајыглыг вә әзмкарлыға еһтијаҹлы олдуғуну вурғулајыблар.
Һәзрәт Ајәтуллаһулузма Хаменеи бүтүн гәти зәрурәтләри илә мүгавимәт игтисадијјатынын һәјата кечирилмәси ваҹибилијини, еләҹә дә ислами мәдәнијјәтин ҝенишләндирилмәси вә дәринләшдирилмәси үзрә ҹидди-ҹәһди вурғулајараг, дејибләр: Өлкәнин тохунулмазлығы, тәһлүкәсизлијин мөһкәмлији вә милли игтидар илә бағлы мүхтәлиф саһәләрдә диҝәр мүһүм үстүнлүкләр мөвҹуддур ки, өлкәнин инкишафы, истиглалијјәти вә иҹтимаи әдаләтин бәргәрар едилмәсинә зәманәт верир вә бу үстүн ҹәһәтләрин танынмасы мәҹлис үзвләринин вәзифәләриндәндир.
Диггәт: Хәбәрдән истифадә етдикдә мәнбәјә истинад лазымдыр
