Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ермәни ишғалчы силаһлы бөлмәләри ҹәбһәнин мүхтәлиф истигамәтләриндә 60 миллиметрлик минаатанлардан вә иричаплы пулемјотлардан да истифадә етмәклә сутка әрзиндә атәшкәс режимини үмумиликдә 115 дәфә позуб.
Мүдафиә Назирлијинин вердији хәбәрә ҝөрә, Ермәнистан Республикасы Иҹеван рајонунун Паравакар кәндиндә вә адсыз јүксәкликләрдә јерләшән мөвгеләрдән Ағстафа рајонунун Көһнәгышлаг кәндиндә вә Газах рајонунун әразисиндәки адсыз јүксәкликләрдә, Берд рајонунун Ајгедзор кәндиндә вә адсыз јүксәкликләрдә јерләшән мөвгеләрдән Товуз рајонунун Мунҹуглу кәндиндә, Красноселск рајону әразисиндәки адсыз јүксәкликләрдә јерләшән мөвгеләрдән Ҝәдәбәј рајону әразисиндәки адсыз јүксәкликләрдә јерләшән мөвгеләримиз атәшә тутулуб.
Тәртәр рајонунун Чиләбүрт, Јарымҹа, Ағдам рајонунун Шыхлар, Ҹәваһирли, Сарыҹалы, Кәнҝәрли, Новрузлу, Нәмирли, Јусифҹанлы, Мәрзили, Гарагашлы, Шураабад Хоҹавәнд рајонунун Куропаткино, Фүзули рајонунун Гараханбәјли, Һорадиз, Горган, Ашағы Сејидәһмәдли, Ҹәбрајыл рајонунун Меһдили кәндләри јахынлығында, һәмчинин Ҝоранбој, Хоҹавәнд, Фүзули вә Ҹәбрајыл рајонлары әразисиндәки адсыз јүксәкликләрдә јерләшән мөвгеләрдән дә Силаһлы Гүввәләримизин мөвгеләри атәшә тутулуб.
Азәрбајҹан Силаһлы Гүввәләри әмәлијјат шәраитинә ујғун олараг дүшмәнин мөвгеләри вә сәнҝәрләринә 116 дәфә атәш зәрбәси ендириб.
Диггәт: Хәбәрдән истифадә етдикдә мәнбәјә истинад лазымдыр
