Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасы Һиҹри Шәмси Тарихи илә 1394-ҹү илин сон ҝүнләриндә ән мүһүм дахили сијаси һадисә әрәфәсин јашајыр.
Белә ки, Ислам Шурасы Мәҹлисинин-парламент вә Рәһбәрлик Експертиза Мәҹлисинин сечкиләри мәһз бу тарихә тәсадүф едир.
Бу сәбәбдән дә, Али Тәглид Мәрҹәләри бәјанатлар верәрәк Иран Халгыны сечкиләрдә јахындан иштирак етмәкләрини зәрури сајыблар.
Ајәтуллаһ Нури Һәмәдани Мәсҹид Әзәмдә етдији “Фигһ Елми Мәрузәләри”- (Дәрсе Хареҹе Фигһ) заманы билдириб: “Сечкиләрдә иштирак етмәк Ислам Ингилабынын гүдрәтинин ҝөстәриҹиси вә һаммы үчүн бир дини вәзифәдир. Буна ҝөрә дә, сечки һүгугу оланлар һамы бир нәфәр кими сечкиләрдә иштирак етмәлидир.
Билмәлијик ки, Сечкиләрдә иштирак етмәклијимиз бизә намаз вә оруҹ кими ваҹиб бир мәсәләдир. Чүн ки, бу Ислам Һакимијјәтинин Әзәмәтинин ҝөстәриҹисидир...”
Ајәтуллаһ Нури Һәмәдани һансы намизәдләрә рәј верилмәсинә ишарә едәрәк билдириб: “Ҝәрәк елә шәхсләрә рәј верәсиз ки, халгын дәрди илә шәрик вә онун чәтин ҝүнлыәрини ҝөрмүш вә һисс етмиш бир адам олсун. Гејри сүрәтдә халгын проблемләрини һәлл етмәк игтидарында олмајаҹагдыр.”
Ајәтуллаһ Ҹәфәр Сүбһанә һәзрәтләри дә, 26 Феврал Сечкиләрини һәсса сајараг билдириб: “Гуран тәлимләринә ҝөрә, ҝәрәк елә шәхси сечәсиниз ки, ишиндә әманәтдар, Ислам әсасларына һәгиги иман ҝәтирмиш, тәфәккүр вә әмәл бахымындан гүдрәтли, диҝәрләринин һијләсинә алданмајан бир шәхсә рәј верәсиниз ки, өлкә үчүн дүзҝүн програм төкмәји баҹара...”
Ајәтуллаһ Ҹавади Амоли һәзрәтләри дә “Фигһ Елми Мәрузәләри”- (Дәрсе Хареҹе Фигһ) заманы билдириб: “Сечиҹи һүгугуна малик оланларын һамысы сабаһкы сечкиләрдә еһтирасла, әфсанәви вә интеллектуал шәкилдә иштирак етмәлидир. Халг Експертизиа вә Ислам Шурасы Мәҹлисләринә һәр бир ҹәһәтдән пак вә етимадлы шәхсләри сечмәлидирләр ки, Ислам Ингилабынын бајрағыны әсил саһибинә (Имам Заман (ә.ф) һәзрәтләринә) чатдырсын.”
Ајәтулаһ Мәкарим Ширази сечкиләрдә иштирак етмәји һәм әхлаги һәм дә, шәри бахымдан ваҹиб олдуғуну билдирәрәк дејиб: “Халг “Јовмуллаһ 22 Бәһмән-11 феврал” јүрүшүндә ҝениш иштирак едәрәк дүшмәнин ҹанына хоф салдыглары кими иншәАллаһ 26 Феврал сечкиләриндә дә, иштирак етмәклә бир даһа дүшмәнләри ләрзәјә ҝәтирәр.
Халг рәј вердикләри заман ҝәрәк ләјагәтли шәхсләрә рәј версинләр. Һәр һансы бир партијаја үзв олмаг сечиҹинин рәј вермәсинә тәсир етмәмәлидир. Әсас одур ки, һәр ким олурса олсун ләјгәти һамыдан артыг олан шәхс мәҹлисә сечилмәлидир...”
Ајәтуллаһ Сејјид Әләви Гургани һәзрәтләри дә бәјанат јајымлајараг даим сәһнәдә олан Иран халгыны сечкиләрдә иштирак етмәјә дәвәт едәрәк билдириб: “Еј ингилабчы вә әзиз Иран халгы! Дүбарә сечки заманы ҝәлиб. Баша дүшән, мөмин халг нөвбәти имтаһан астанасындадыр. Дүшмәнин тәблиғат макинасынын ишә дүшәрәк зеһинләрдә чашгынлыг јаратмаг истәдији бир заманда, һәм Експертизиа вә һәм дә, Ислам Шурасы Мәҹлисинин сечкиләриндә ҹанла-башла иштирак едиб Али Рәһбәр башда олмагла бүтүн даһи шәхсијјәтләрин ҝөстәришләринә ујғун олан ләјагәтли нүмајәндәләрә сәс верин! Дүшмәнин тәблиғ етдији шәхсләрә сәс вермәјдән ҹидди сүрәтдә чәкинин! Сечкиләрдә иштирак едиб сәс вермәк дини вә милли бир вәзифә олдуғу кими Ислама үрәји јанан, тәгвалы вә мөмүн шәхсләрә дә сәс вермәк ән бөјүк вәзифәдир... ”
Диггәт: Хәбәрдән истифадә етдикдә мәнбәјә истинад лазымдыр
