Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Бу ҝүн сәһәр саат 12.00-да Бакы шәһәр Јасамал рајон, Јени Јасамал јашајыш массивиндәки "Белыј Лебед” ММҸ-нин инша етдији Д.Бүнјадзадә 15 күчәсиндә 17 мәртәбәли 8 ҝиришли јашајыш бинасынын сакинләри аксија кечирибләр.
Аксијаны изләјән ветенинфо.аз-ын мүхбири хәбәр верир ки, аксијанын кечирилмәсинә сәбәб "Белыј лебед” ММҸ тәрәфиндән инша едилмиш јашајыш бинасынын Дөвләт Гәбулу Комиссијасы тәрәфиндән истисмара гәбул едилмәсинә бахмајараг, Бакы Шәһәр Иҹра Һакимијјәти тәрәфиндән јашајыш бинасынын истисмара гәбул едилмәмәси илә бағлыды.
Мәлуматда гејд едилир ки, 755 мәнзилли бина "Бели Лебед” ММҸ иҹрачы рәһбәри Нүрәддин Кәримов, онун гардашы Шәмсәддин Кәримов, онларын ортаглары олдуглары "Бели Лебед” ММҸ-нин әсас директору Аллаһверди Зејналов (һазырда Украјнда јүксәк мәртәбәли биналарын тикинтиси илә мәшғул олур), Јасәф адлы шәхсләрин вә Бакы шәһәр ИҺ-нин башчысы Һаҹыбала Абуталыбовун сүрүндүрмәчилији сәбәбиндән Бакы Шәһәр Иҹра Һакимијјәти тәрәфиндән истисмара гәбул едилмир.
Бинада мәнзил алан вәтәндашлар мәнзилләринә нә рәсми гејдијјата дүшә, нә дә мәнзилләрини өзәлләшдирә билмирләр.
Аксија кечирән вәтәндашлар гејд едирләр ки, бинаны инша едән "Белыј Лебед” ММҸ рәһбәрлији бир нечә илдир бина сакинләрини алдатмагла мәшғулдур вә вәтәндашлар мәнзилләринә өзәлләшдирмә актынын верилмәсини тәләб етдикдә, ММҸ рәһбәрлији онларын һаглы наразылығындан гачараг ҝизләнир.
Вәтәндашалар гејд едирләр ки, ММҸ рәһбәрлијинә мөвҹуд вәзијјәт сәрф едир вә "Белыј Лебед”ММҸ-нин иҹрачы рәһбәри Нурәддин Кәримов, онун гардашы, јәни "Белыј Лебед”ММҹ-нин гејри-рәсми саһибләриндән олан Шәмсәддин Кәримов, онларын ортаглары "Бели Лебед” ММҸ-нин директору Аллаһверди Зејналов вә Јасәф бу вәзијәтдән истифадә едәрәк бина сакинләриндән ајлыг комунал хәрҹләри топлајыр, вәтәндашлар мәнзилләрини диҝәрләринә сатдыгда алгы-сатгы заманы 3 мин АЗН әлавә пул алырлар.
Аксија кечирән вәтәндашлар гејд едирләр ки, онлар чарәни өлкә президенти Илһам Әлијевдә вә биринҹи ханым, ЈУНЕСКО вә ИСЕСКО-нун хошмәрамлы сәфири, милләт вәкили Меһрибан Әлијевада ҝөрүрләр. Аксијачылар гејд едибләр ки, "Белыј Лебед”ММҸ-нин вә Бакы шәһәр ИҺ-нин башчысы Һаҹыбала Абуталыбовун сүрүндүрмәчилијинин гаршысыны јалныз өлкә президнети вә биринҹи ханым ала биләр.
Аксијачылар бу ҝүнә кими мүвафиг дөвләт органларына етдикләри мүраҹиәтләрин сүрәтләрини вә Бакы шәһәр Иҹра Һакимијјәти башчысынын 2012-ҹи ил тарихли Тикинтиси баша чатмыш објектин истисмара гәбул едилмәси һагда дөвләт гәбул комиссијасынын актыны да тәгдим едибләр. Тәгдим олунан актдан ҝөрүнүр ки, бинанын истисмара верилмәси үчүн бүтүн мүвафиг гурумлар имза едиб, мөһүр вурсалар да, јалныз Бакы шәһәр Иҹра Һакимијәтинин имзасы вә мөһүрү актда әксини тапмыр. Сакинләр гејд едирләр ки, бинаны инша едән "Белыј Лебед”ММҸ Бакы шәһәр ИҺ арасында билинмәјән сәбәбләрдән јаранан гаршыдурма үзүндән бина гәбул едилмир вә вәтәндашлр мәнзилләрини өзәлләшдирә билмирләр.
Диггәт: Хәбәрдән истифадә етдикдә мәнбәјә истинад лазымдыр
