Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, сон заманлар Сурија Ордусунун Түркман дағында, Бајырбуҹак әразиләриндә кечирдији анти-террор әмәлијјатлары бәзи гәрәзли КИВ, хүсусилә Түркијәнин бәзи хәбәр аҝентликләри тәрәрфиндән "Түркмән гәтлиамы" кими дезинформасијаларла тәһриф олунур.
Мәлумата ҝөрә, АКП-јә бағлы медианын "түркмән гәтлиамы" хәбәринә Суријанын түркмән лидерләриндән олан, Әли Түркман мүнасибәт билдириб.
Әли Түркман Түркијәнин "Бир ҝүн" гәзетинә вердији мүсаһибәсиндә бу хәбәрләрин һәгигәтә ујғун олмадығыны өнә чәкиб: "Сурија һөкүмәти тәбии олараг Суријанын - вәтәнинин бирлијини тәмин олунмасы истигамәтиндә һава вә гурудан әмәлијјата башлајыб. Һава әмәлијјатындан өнҹә һәдәфләрин - дәгиг јерләри тәсбит едилир, сонра һәдәфләр вурулур. Әсил һәдәф "Нусра ҹәбһәси" вә "Азад Сурија Ордусу"дур. Медиада түркмәнләрин һәдәфә алынмасы хәбәрләри шиширдилир."
Гејд едәк ки, сон ҝүнләр Сурија ордусу анти-террор әмәлијјатлары чәрчивәсиндә Нәби Јунус дағына јөнәлән Сурија ордусу, "Әл Гаидә"нин диҝәр груплашмасы олан "Әһраруш Шам" вә "Лива Сукур Әл Габ"аја гаршы һүҹума кечиб.
Лакин АКП-јә бағлы медиа Сурија ордусунун анти-террор әмәлијјатларыны "Әсәд Түркмән кәндләрини бомбалады" башлығы илә хәбәрләр јајмаға башлајыблар.
Хатырладаг ки, бу бөлҝәләрдә түркман вә ја гејри суријалы чох сајда террорчулар вар. "Сол Һабер"ә ҝөрә бунларын әксәријјәти Түркијә Кәшфијјаты илә сых әлагәдәдирләр.
Диггәт: Хәбәрдән истифадә етдикдә мәнбәјә истинад лазымдыр
