Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Сурија президенти Бәшәр Әсәд октјабрын 20-дә Русијаја сәфәрә ҝәлиб вә Русија Федерасијасынын президенти Владимир Путин илә ҝөрүшүб.
Ҝөрүш заманы Сурија лидери Бәшәр Әсәд Русија президенти Владимир Путинә Суријаја етдији јардыма ҝөрә, тәшәккүр едиб.
Сурија лидери бәјан едиб ки, Русија Федерасијасы вә Русија халгы Суријаја дәјәри олмајан бир јардым ҝөстәрир, онун ваһидлијини вә мүстәгиллијини дәстәкләјир.
Әсәдин сөзләринә ҝөрә, Русија Федерасијасынын бөһранын әввәлиндән атдығы сијаси аддымлар Суријадакы һадисәләрин даһа да фаҹиәви шәкилдә ссенари үзрә инкишаф етмәсинә имкан вермәди.
Еләҹә дә Сурија президенти гејд едиб ки, терроризм үзәриндә гәләбә Суријада ҝәләҹәк сијаси тәнзимләмә үчүн лазымдыр, белә ки, әкс һалда Сурија халгы өз ирадәсини ифадә едә вә дөвләтинин мүгәддәратыны һәлл едә билмәјәҹәк.
Диггәт: Хәбәрдән истифадә етдикдә мәнбәјә истинад лазымдыр
