Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Үмүмдүнја Мүсәлманларынын Али Лидери Ајәтуллаһ Узма Хаменеи ҹәнаблары Иран Ислам Республикасынын Телерадио Тәшкилатынын сәдри вә мүдирләри илә ҝөрүшдә "Һеҝемончулуг системинин Иран Ислам Республикасына гаршы планлашдырылмыш вә ҝениш јумшаг мүһарибәси"нин һәдәфләрини ашыглајыб.
О, билдириб ки, дүшмән гүввәләри јумушаг мүһарибәдә әсасән халгын инамларынын дәјишир. Бу сәбәбдән дә, бу мүрәккәб савашда Телерадио Тәшкилатынын өзүнәмәхсус ролу вардыр.
Ајәтуллаһ Хаменеи ҹәнаблары даһа сонра билдириб: Јумшаг мүһарибә сәрт мүһарибәнин әксинә олараг, ашкар, анлашылан вә дујулан дејил вә һәтта бәзи һалларда гаршы тәрәф өз зәрбәсини вурур, амма һәдәфә алынмыш ҹәмијјәт јухулулуг вә һүҹумларла бағлы һиссијјатсызлыға дүчар олур.
Имам Хаменеи ҝәнҹләрдә дүнја, хүсусән дә АБШ вә Гәрбә гаршысы гејри-реал инамларын јарадылмасы вә Гәрб дүнјасынын проблемсиз, әмин-аман, раһат вә инкишаф етмиш өлкәләр кими тәсвир етмәји јумшаг мүһарибәнин һәдәфләриндән сајыб.
Үмүмдүнја Мүсәлманларынын Али Лидери вурғулајыб: Һазырланмыш јумшаг мүһарибәнин әсас вә јекун һәдәфи, халгын, хүсусилә ҝәнҹләрин иманыны сүстләшдирмәк вә инамлары дәјишдирмәк јолу илә Ислам Республикасында дахили бошалма вә дахили трансформасија јаратмагдыр.
Һәзрәт Ајәтуллаһулузма Хаменеи даһа сонр агејд едибләр: Дүшмәнин јумшаг мүһарибәсинин һәдәфләри чәрчивәсиндә Ислам Республикасы адынын галмасы вә һәтта онун башында бир руһанинин олмасы мүһүм дејил, мүһүм одур ки, Иран - Америка, сионизм вә бејнәлхалг гүдрәт шәбәкәсинин һәдәфләрини тәмин етмиш олсун.
Ислам Ингилабынын Бөјүк Рәһбәри интенсив сәј, иш вә програмлашдырманы јумшаг мүһарибә конструкторлары вә иҹрачыларынын бариз өзәлликләриндән сајыб вә белә гејд едибләр: Иран халгы илә гаршы ҹәбһәдә дуран јазылы, тәсвирли вә сәсли мәһсулларын һамысында јумшаг мүһарибәнин һәдәф вә мәгсәдләри вә әлбәттә, башлыҹа олараг, долајысы илә изләнилир вә тәлгин олунур.
Ислам Ингилабынын Бөјүк Рәһбәри һәмчинин Иранын Телерадио Тәшкилатыны Иран Ислам Ингилабы вә һөкумәтинин медиасы адландырыб вә сөјләјибләр ки, бу медианын мүдир вә ишчиләри јумшаг мүһарибәнин сәркәрдәләри вә әсҝәрләридирләр.
Һәзрәт Ајәтуллаһулузма Хаменеи дүшмәнләрин јумшаг мүһарибәси гаршысында милли медианын һәдәфләринин ајдын шәкилдә реаллашмасы үчүн ән мүһүм иши, Иран Ислам Республикасынын бејнәлхалг, реҝионал вә дахили шәраитиндән реал, дүзҝүн вә әсаслы тәһлилә наилолма адландырыблар. О һәзрәт дејибләр ки, бу тәһлил зеһинләри, Телерадио Тәшкилатынын вүҹудуну вә идарәчилијин мүхтәлиф сәтһләринин истигамәтләнмәләрини мөһкәмләдир вә бүтүн фәалијјәтләрин әсасы олур.
Диггәт: Хәбәрдән истифадә етдикдә мәнбәјә истинад лазымдыр
