Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 18-19 сентјабр тарихиндә Дағыстанын Сүлејман-Сталск рајонунун мешәләриндә һүгуг-мүһафизә органларынын әмәкдашлары гәтлә јетирилмиш беш јерли сакинин мејитләрини ашкар едибләр. Гәтл төрәдилмиш јерин јахынлығында јараглыларын дајанаҹағы да мүәјјән олунуб.
Русијанын Истинтаг Комитәсинин Дағыстан үзрә Идарәси бәјан едиб ки, овчуларын гәтлиндә әли олан шәхсләр “Ҹәнуб” тәхрибатчы-террор груплашмасынын үзвләри Һәсән Мәммәдјаров, Роберт Мәликов вә Мәһәммәдәли Мурлијев ахтарыша верилиб.
Фактла бағлы Дағыстанын ҹәнубу анти-террор әмәлијјат режиминә кечиб. Гејд олунан әмәлијјат режими тәгрибән 200 мин инсаны әһатә едир.
Билдирәк ки, анти-террор әмәлијјат режиминин гүввәдә олдуғу Мәһәррәмкәнд рајонунда 62 мин инсан јашајыр. Бу рајонда Русијанын Азәрбајҹанла дөвләт сәрһәди кечир. Бурада вәтәндашларын вә јүкләрин кечмәси үчүн ҝөмрүк постлары вар. Әразинин саһәси 654,6 кв километр тәшкил едир.
Диггәт: Хәбәрдән истифадә етдикдә мәнбәјә истинад лазымдыр
