Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, гондарма “Ираг вә Шам Ислам Дөвләти” адлы террор груплашмасынын сыраларында вурушан Азәрбајҹан сәләфиләриндән 12-синин өлдүрүлдүјү хәбәри тәсдигләниб.
Мәлуматлара ҝөрә, “ИШИД” террор груплашмасына бағлы Азәри табурунун 12 үнсүрүнүн Сурија Күрд Пишмәрҝәләри илә апарылан дөјүшләрдә мәһв едилдији билдирилир.
Белә ки, “ИШИД”-ин Суријанын Рагга әјаләтиндәки "Кәтибәтул Азәрбајҹан" групунун үнсүрләри Күрд Пешмәрҝәләринин контролунда олан бөлҝәләрә һазырладыглары террор әмәлијатында 12 үнсүрүнү итириб.
Өләнләр ичәрисиндә “ИШИД”-ин Азәрбајҹан үзрә әмири Мусәб әл Азәринин дә олдуғу билдирилир.
Гејд едәк ки, сәләфи ресурсларынын билдирдијинә ҝөрә, сон ики илдә Азәри табуру бирчох террор әмәлијјатлары һәјата кечиртмишдир. Азәри табуру истәр Муһаҹир вә Әнсар ҹамаатына (Кәтибәтул Муһаҹирин) бағлы олдуглары дөнәмдә истәрсә дә, “ИШИД” террор бирләшмәсинә биәт етдији дөнәмдә бирчох ҹинајәт актлары һәјата кечирәрәк 200-ә јахын итки вермишдир.
Хатырладаг ки, Азәрбајҹан террорчуларынын бирчох гисми исә, “Нүсрә Ҹәбһәси”, “Азад Сурија Ордусу”, “Аһрару Шам” вә с. террор груплашмаларында да Сурија вә Ираг халгына гаршы ҹинајәт актлары төрәдирләр.
Диггәт: Хәбәрдән истифадә етдикдә мәнбәјә истинад лазымдыр
