Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Һиҹри Гәмәри тарихи илә 1436, 18 Шәбан вә Милади тарихи илә, 06 Ијун, 2015 тарихә тәсадүф едән ҝүн һәзрәти Рүгәјјә бинти Һүсејн (әлејһимә сәлам) дүнјаја ҝәлән ҝүнүдүр. Бу мүнасибәтлә Дәмәшг Шиәләри үч јашлы ханымын һәрәминдә бајрам шәнлики кечирибләр.
Гејд едәк ки, һәзрәт Рүгәјјәнин (сәламуллаһи әлејһа) һөрмәтли атасы үчүнҹү Имам Һүсејн ибн Әлидир (әлејһимә сәлам), еһтирамлы анасы исә, Үммү Исһагдыр (сәламуллаһи әлејһа). Ханым Рүгәјјә (сәламуллаһи әлејһа) Һиҹри Гәмәри тарихи илә 59-ҹу ил Шабан ајынын 18-и, Милади тарихи илә, 680-ҹы илдә Мәдинә шәһәриндә дүнјајас ҝөз ачмышдыр.
О, Кәрбәла мүсибәтиндә иштирак етмиш вә Ашура һадисәсинин ҹанлы шаһидидир. О, атасынын Шәһадәтиндән 35 ҝүн сонра, Һиҹри Гәмәри тарихи илә 61-ҹи илдә Шамын харабалыгларында аҹ вә сусуз дүнјадан көчмүшдүр. Ханымын мүбарәк мәргәди Суријанын пајтахты Дәмәшг шәһәриндә јерләшир.
Диггәт: Хәбәрдән истифадә етдикдә мәнбәјә истинад лазымдыр
