Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Шурасы Мәҹлисинин үзвләри билдирибләр ки, Иранын нүвә мүзакирәчиләри АБШ Конгресинин нүвә мүзакирәләринин нәтиҹәсинин тәсдиг едилмәси мәсәләсинә мүдахиләсинә мүнасиб реаксиjа вермәлидирләр.
Иран Ислам Шурасы Мәҹлисинин үзвләри базар ҝүнү бир бәjанат jаjараг, билдирибләр ки, АБШ Конгресинин гәбул етдиjи лаjиһәнин нүвә мүзакирәләринин нәтиҹәсинин тәсдиг едилмәси үнсүрләри сырасына дахил едилмәси jени бир мүзакирә амили саjыла билмәз.
Әксинә, иранлы мүзакирәчиләр бу амилин мүзакирәләрин ҝедишинә дахил олмасына мүнасиб реаксиjа вермәли вә мүзакирәләрин нәтиҹәсиндә бу амили диггәтә алмалыдырлар.
Бәjанатда һәмчинин деjилир: нүвә мүзакирәләри әһәмиjjәтли бир мәрһәләjә дахил олуб вә 5+1 групунун хүсусилә Американын рәфтарлары ҹидди формада дәjәрләндирилмәлидир.
Иран Ислам Шурасы Мәҹлисинин үзвләри һәмчинин, АБШ дөвләтинин давранышынын фырылдагчылыгдан башга бир шеj олмадығыны вурғулаjараг, бу кими рәфтарын сонуну етимадсызлыг адландырыблар.
Иран Ислам Шурасы Мәҹлиси үзвләринин бәjанатында әлавә олараг деjилир: Атом Енержиси Беjнәлхалг Аҝентлиjи мүфәттишләри дә садәҹә беjнәлхалг вә танынмыш гаjдалар әсасында Иранын нүвә тәсисатларына бахыш кечирә биләрләр. Чүнки, өлкәләрин НПТ-нин гаjдаларындан кәнара чыхмасы кими, нүвә фәалиjjәтләринә нәзарәт мәсәләсиндә дә НПТ-нин гаjдалардан кәнара чыхмаг гәбуледилмәздир. Буна ҝөрә дә, бу гаjдалар мүзакирәләрин jекун нәтиҹәсиндә өз әксини тапмалыдыр.
Диггәт: Хәбәрдән истифадә етдикдә мәнбәjә истинад лазымдыр
Иран Ислам Шурасы Мәҹлисинин нүвә мүзакирәләри илә бағлы бәjанаты
Иран Ислам Шурасы Мәҹлисинин нүвә мүзакирәләри илә бағлы бәjанаты
10 may 2015 - 15:02
Xəbər kodu: 689328
Иран Ислам Шурасы Мәҹлисинин үзвләри билдирибләр ки, Иранын нүвә мүзакирәчиләри АБШ Конгресинин нүвә мүзакирәләринин нәтиҹәсинин тәсдиг едилмәси мәсәләсинә мүдахиләсинә мүнасиб реаксиjа вермәлидирләр.
