Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Јәмәнин Әнсаруллаһ һәрәкатынын лидеринин сөзләринә ҝөрә, тәкфирчи груплар Америка вә Авропаја архаланараг ҹинајәтләр төрәдирләр, чүнки Америка вә Авропа онлара истәдикләри ҹинајәти төрәтмәк үчүн ихтијар вериб.
Сејјид Әбдүлмәлик Әл-Һуси ҹүмә ахшамы ҝеҹә етдији чыхышында Суријадакы мөвҹуд һадисәләрлә бағлы дејиб:
“Суријадакы тәкфирчи групларын ҹинајәтләри ләнәтләнир вә һәр кәс онлары гынамалы, виҹдан саһиби олан һәр кәс бу ҹинајәтләрин гаршысыны алмаг үчүн чалышмалыдыр.”
Әл-Һуси тәкфирчи груплар тәрәфиндән динҹ сакинләрин вәһшиҹәсинә өлдүрүлмәсини тәнгид едәрк дејиб:
“Тәкфирчиләрин малијјә, сијаси вә һәрби спонсорлары бу груплашмаларын ортагларыдыр. Суријадакы тәкфирчи груплар јүзләрлә мүдафиәсиз мүлки вәтәндашы гәтлә јетирирләр. Бу груплар өз ҹинајәтләрини видеоја чәкир, сосиал шәбәкәләрдә јерләшдирир вә сонда өз вәһшилији илә өјүнүрләр.”
Әнсаруллаһ лидери вурғулајыб ки, АБШ вә Исраил режими өзләрини Сурија халгынын хиласкары вә дәстәкчиси кими ҝөстәрмәјә чалышырлар:
“Тәкфирчиләр (Голани р вәежими вә она бағлы үнсүрләр) Суријанын иҹтимаи гурулушуну парчаламагла Исраил вә Америка режимләринә ән бөјүк хидмәти ҝөстәрирләр.”
Јәмәнин Әнсаруллаһ лидери дејиб:
“Исраил (режим) Свејдада друзлара (Суријадан ајрылмаг үчүн) дәстәк верир. Тәкфирчи груплар исә онлара зәрәр вурмаға белә ҹәсарәт етмирләр. Суријанын диҝәр сакинләри исә күрдләр вә друзлар кими АБШ вә Исраил тәрәфиндән дәстәкләнмәдији үчүн өзләрини тәһлүкә гаршысында ҝөрүрләр.”
Әл-Һуси вурғулајыб:
“Сурија халгынын ганы асанлыгла төкүлүр, Сурија ушаглары исә гәтлә јетирилир. Ислам вә Әрәб дүнјасында исә һеч ким бу ҹинајәтләрә етираз етмир.”
Јәмән Ингилабынын Рәһбәри тәкфирчи групларн өзләрини “диндар” вә “мүҹаһид” груплар кими гәләмә вердикләрини вурғулајараг билдириб:
“Бу груплар мүсәлман халгларыны ичәридән парчалајырлар. Онлар мүсәлманларын дүшмәнләрини өзләринин һимајәдар вә хиласкар кими ҝөстәрирләр ки, мүсәлманлар онларын ишғалыны бәјәнсинләр. Бу, тәкфирчи групларын Суријаја нәзарәти әлә кечирдикдән сонра Исраилә бир ҝүллә белә атмамасына бахмајараг бунунла белә, Суријанын ҹәнубуна һүҹум едибләр. Тәкфирчи груплар ҹиһадчы дејилләр. Вә әҝәр ҹиһадчы олсајдылар, дүшмән Исраил илә үз-үзә ҝәләрдиләр. Тәкфирчи груплар өзләрини диндар вә ҹиһадчы груплар кими тәгдим едирләр, амма ҝүнаһсыз, сүлһсевәр инсанлары өлдүрмәк, халгы ичәридән парчаламаг үчүн исә бүтүн вәһшиликләрини вә ҹинајәткарлыгларыны әсирҝәмирләр.”
О, сонда деди:
“Ислам бу тәкфирчи груплардан вә онларын вәһшилијиндән узагдыр. Тәкфирчиләрин реҝионал тәрәфдарлары өз медиаларында тәкфирчиләрин фәргли ҝөрүнтүсүнү тәгдим етмәк нијјәтиндә олсалар да, һәр шеј ајдындыр.”
Диггәт: Лүтфән Хәбәрдән Истифадә Етдикдә Мәнбәјә Истинад Един!
Sizin rəyiniz