Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ливан Һизбуллаһ һәрәкатынын Коммуникасија вә Координасија Бөлмәсинин рәһбәри Вафиг Сәфа вердији мүсаһибәдә һәрәкатын мәрһум баш катиби Сејид Һәсән Нәсруллаһ илә сон ҝөрүшү вә тәмаслары вә шәһидин төвсијәләри илә бағлы данышыб.
Бу Һизбуллаһ рәсмиси вурғулајыб: “Сејид Һәсән Нәсруллаһын “Әгса туфаны” дөјүшүндәки сон чыхышлары бүтүн сәвијјәләрдә сијаси вәсијјәтнамәләр кими иди.”
О әлавә едиб: "Сејид Һәсән Нәсруллаһла сонунҹу әлагәм пејҹер партладылдығы ҝүн иди, о, ҝеҹә саатларында оғлумун вәзијјәтини өјрәнмәк үчүн мәнә зәнҝ вурду, чүнки партлајыш заманы оғлумун ҝөзләри вә әлләри јараланмышдыр.
Сејјид Һәсәнлә сон ишҝүзар әлагәм Ливандакы вәзијјәтлә бағлы хәбәрләри она вермәк үчүн шәһадәтиндән ики ҝүн әввәл олуб вә онунла сонунҹу ҝөрүшүм исә онун шәһадәтиндән тәхминән ики ај әввәл иди, о заман Ливанын дахили мәсәләләрини мүзакирә етмишдик. Сејид Һәсән Нәсруллаһ һәмишә Һизбуллаһ мәмурларына халга хидмәт етмәји төвсијә едирди, чүнки бу партија, өзүнүн дедији кими, халгын партијасы иди.”
Ливан Һизбуллаһынын јүксәк вәзифәли рәсмиси әлавә едиб:
“Ишғалчылар Шәһид Нәсруллаһын гәтлиндән сонра һәдәфләрини даһа да ҝүҹләндирдиләр. Һизбуллаһын сағ галмасы бир гәләбәдир, Шәһид Нәсруллаһ партијаны Ислам милләтинин, Ислам милләтини исә партијанын бир һиссәси етди. Һизбуллаһ һәмишә дејиб ки, Һизбуллаһ конкрет бир шәхсдән асылы дејил, чүнки Һизбуллаһ бир јол, план, тәшкилат, халг вә үммәтдир.”
Вафиг Сәфа Һизбуллаһын ҝәләҹәк планларына тохунараг дејиб:
“Һизбуллаһын ҝүҹ вә гүдрәти кечмишдә олдуғундан даһа бөјүк өлчүдә ҝери гајыдаҹаг, һазырда бүтүн диггәт вә сәјләримиз дахилдәдир. Сејид Һәсән Нәсруллаһ демәк истәјирди ки, бизим Вилајәтул-Фәгиһ вә Имам Хаменеи вилајәтинә етигадымыза бахмајараг, Һизбуллаһ Ливан партијасыдыр. Сејид Нәсруллаһ Ливан ордусу вә дахили сүлһ вә әмин-аманлыг илә марагланырды вә она садиг иди.”
Ливан Һизбуллаһ һәрәкатынын Коммуникасија вә Координасија Бөлмәсинин рәһбәри билдириб:
“Исраил дүшмәнини Ливанла дәниз сәрһәдләри чәкмәјә мәҹбур едән дә Һизбуллаһ иди. Һансы ки, ҹәми 3 дрон ҝөндәрмәклә сионист режимини бу имзаја вадар етди.”
Диггәт: Лүтфән Хәбәрдән Истифадә Етдикдә Мәнбәјә Истинад Един!
