Февралын 6-да Түркијәнин ҹәнубунда вә Суријанын шималында баш верән 7,7 вә 7,6 бал ҝүҹүндә зәлзәләләр, ардынҹа исә јүзләрлә шиддәтли афтершоклар 46 миндән чох инсанын һәјатына сон гојуб.
Теһран Бәләдијјәси бу ики өлкәдә зәлзәлә гурбанларына башсағлығы вермәк үчүн Милад гүлләсиндә бу ики өлкәнин бајрагларыны нүмајиш етдириб.
Бунунла әлагәдар олараг, Түркијәнин Теһрандакы сәфири Дерја Өрс Иран Гызыл Ајпара Ҹәмијјәтинин баш гәрарҝаһында олуб, зәлзәләдән зәрәрчәкәнләрә ҝөстәрдикләри көмәјә ҝөрә Иран Гызыл Ајпара Тәшкилатынын рәһбәри Пирһүсејн Куливәндә вә бу тәшкилатын јардым ишчиләринә тәшәккүр едиб.
Иран Ислам Республикасы бөлҝәни сарсыдан дәһшәтли зәлзәләнин илк ҝүнүндән Түркијә вә Суријада зәлзәләдән зәрәр чәкмиш инсанлара јардым ҝөстәрмәјә һазыр олдуғуну бәјан едиб вә дәрһал һуманитар јардым ҝөндәрмәклә јанашы, Иран Гызыл Ајпара Ҹәмијјәти дә зәлзәләдән сағ чыханлара көмәк етмәк үчүн бу өлкәләрә хиласедиҹиләр ҝөндәриб.
342/
