Бу ҝүн ( чәршәнбә) Һәзрәти Ајәтуллаһ Хаменеинин иҹтими, елми вә мәдәнијјәт саһәләриндә фәалијјәт ҝөстәрән јүзләрлә ханымын иштирак етдији ҝөрүшдә “ ишчи гүввә”, “ гадына һәзз вериҹи бахыш” кими дүшүнҹәләри Гәрбин гадындан суи-истифадәсинә јөнәлмиш фикир олдуғуну билдирди вә Гәрбин “гадын азадлығы “ адландырдығы мәсәләдән әсас һәдәфин онлары евдән иш јерләринә сүрүкләмәк олдуғуну вә бунунла “ уҹуз ишчи гүввәси” әлдә етмәклә истифадә етдикләрини сөјләди.
Ислам Ингилабынын Али Рәһбәри Гәрб өлкәләринин рәсми статистик мәркәзләринин доғру јајымладығы мәлуматларына ишарә едәрәк “ Гәрбин иддиа етдији гадын һүгугларынын мүдафиәси сон дәрәҹә һәјасызлыгдыр ” деди. Сонра сөзүнә әлавә едәрәк “ капиталист игтисади системин иддиа етдији “азадлыг”, сөзүн һәгиги мәнасында гадына “ әсарәт вә хәјанәтдир”. Бәзән, адам Гәрбдә баш вермиш һадисәләри дилә ҝәтирмәкдән хәҹаләт чәкир” бујурду.
Һәзрәти Ајәтуллаһ Хаменеи, Гәрбдә аилә һәјатынын мәһвә сүрүкләндијини деди вә билдирдиләр ки, Гәрбин инсансевәр, хејирхаһ мүтәфәккирләри дә бу тәһлүкәдән хәбәр верәрәк һәјаҹан тәбили чалмышлар. Лакин тәдриҹи баш верән аилә һәјатында мәһвә сүрүкләнмә елә бир һәддә баш веириб ки, доғрусуну десәк даһа онун дајандырылмасы мүмкүнсүз ҝөрүнүр.
Һәзрәти Ајәтуллаһ Хаменеи еләҹә дә, мүхтәлиф саһәләрдә бир чох һиҹаб әлејһинә јөнәлмиш давранышлара ишарә едәрәк хатырлатды ки, “ ким белә бир һәрәкәт вә чағырышлар гаршысында мане олду? Елә һәмин ханымлар бу чағырыш вә һәрәкәтләр гаршыснда дајандылар. Бу ел бир һалда баш верди ки, пис нијјәтлә һиҹабына там риајәт етмәјән ханымлара баханлар үмид едирдиләр ки, онлар һиҹабы башларындан ачаҹаглар. Амма ханымлар буну етмәди, әксинә һиҹабсызлыг чағырышы едәнләрин вә онун тәблиғатчыларынын ағзындан вурдулар.
Ингилабын Али Рәһбәри “ һиҹаб, сөзсүз шәриәтин ваҹиб бујурдуғу тохунулмаз, зәрури бир мәсәләдир ” дејәрәк, сөзүнә “ бу мөвзу һиҹаба там риајәт етмәјән ханымларын “динсиз” ја “ ингилаба зидд” адландырылмасына сәбәб олмамалыдыр” дејә давам етди.
Һәзрәти Ајәтуллаһ Хаменеи, Ислам республикасынын гадын дәјәрләринә ҝөстәрдији хидмәтин әһәмијјәтли вә јаддан чыхмаз олдуғуну билдирәрәк “ Ингилабдан өнҹә тәһгигатчы, фәхр етмәли, алим ханымларымыз бармаг сајы гәдәриндә иди. Лакин, Ингилаб, истедадлы ханымларын даһа да өнә чыхмасына сәбәб олду. Елә бир һәддә чатдылар ки, бәзи илләрдә тәләбә гызлар оғланлардан даһа өнҹүл олдулар. Онлардан бир чохлары мүхтәлиф елми вә техноложи саһәләриндә фәалијјәт ҝөстәрирләр” сөјләди.
342/
