Рус ҝенерал дејиб: “Азәрбајҹан топонимләринә һөрмәтлә јанашырыг. Русија-Түркијә Бирҝә Мониторинг Мәркәзиндән бүтүн топонимләри Азәрбајҹан тәрәфинин бизә ҝөндәрдији адларла јазырыг.”
Ҝенерал-мајор Андреј Волков сөзләрини белә давам етдириб: "Амма тәәссүф ки, Русија Мүдафиә Назирлијинин сајтында бу адлара дүзҝүн әмәл едилмир. Лакин гејд етдијим кими, биз сүлһмәрамлылар бүтүн топонимләри дүзҝүн тәгдим едирик. Јохлаја да биләрсиниз", - Волков гејд едиб.
Беләликлә Азәрбајҹан Республикасынын аз гала һәр ҝүн бу барәдә етдији етиразлар јенә дә ҹавабсыз галыб вә бу о демәкдир ки, бундан сонрада адларын ермәни варјантынын истифадә олунаҹағы ҝөзләнилир.
Гејд едәк ки, артыг бир нечә ҝүндүр Азәрбајҹан Мүдафиә Назирлији мәлумат јајараг билдирир ки, Русија Федерасијасынын сүлһмәрамлы континҝентинин рәсми мәлуматларында Азәрбајҹан әразиләринин адлары ујдурма ермәни топонимләри илә гејд олунмагдадыр.
Гејд олунуб ки, бу јанлыш ифадәләрин истифадә олунмамасы илә бағлы МН тәрәфиндән дәфәләрлә едилән мүраҹиәтләрә етинасыз јанашылыб.
Азәрбајҹан Республикасы Мүдафиә Назирлији бир даһа исрарла билдириб ки, Азәрбајҹан Республикасынын јашајыш мәнтәгәләринин адларынын дүзҝүн гејд олунмамасы, һабелә "Дағлыг Гарабағ әразиси" ифадәсинин ишләнмәси јолверилмәздир.
342/
