“Талеһ Бағырзадә билдириб ки, 2014-ҹү илдә бу колонијада ҹәза чәкәндә дә рәис мүавини она проблемләр јарадыб, ону “вәтән хаини” адландырыб. Инди дә Гобустан һәбсханасындан көчүрүләндән сонра намусуну тәһгир едиб”, вәкил билдириб.
Бағырзадә нөвбәти тәхрибатларын гаршысыны алмаг үчүн башга колонијаја көчүрүлмәсини тәләб едир. Меһдијев билдириб ки, Т. Бағырзадә тәләби јеринә јетириләнә гәдәр һәкимләрин көмәјиндән, телефон зәнҝләриндән вә вәкилләрин она мүраҹиәтиндән имтина едир.
Ејни заманда 9 ҝүндүр аҹлыг аксијасыны давам етдирән Бағырзадәнин дә вәзијјәти писләшир. “Онун һәрарәти, титрәмәси, шиддәтли баш ағрылары вар”, - Меһдијев билдириб.
Бағырзадәнин тәләбинин нә дәрәҹәдә әсаслы олдуғу суалына вәкил мүсбәт ҹаваб вериб.
Ганунвериҹилијә ҝөрә, мәһкум ҹәзасыны јашајыш јеринә әрази бахымындан ән јахын колонијада чәкмәлидир. Талеһ Бағырзадә Бакынын Јасамал рајонунда гејдијјатдадыр. Лакин шәһәр дахилиндә үч колонија олдуғу һалда, о, 25-30 км аралыда јерләшән 12 сајлы ҹәзачәкмә мүәссисәсинә ҝөндәрилиб.
Бундан башга, мәһкумун башга мәһкумла вә ја колонијанын мүдиријјәти илә мүнагишәси варса, о да башга јерә көчүрүлмәлидир.
Мүдафиә тәрәфи һесаб едир ки, Омбудсман вә Гызыл Хач бу мәсәләнин һәллинә көмәклик ҝөстәрә биләр вә артыг бу структурлара мүраҹиәтләр ҝөндәрилиб.
Тале Бағырзадә 2015-ҹи илдә Нардарана гаршы едилән һүҹум заманы һәбс едилиб вә террорчулуг, конститусија гурулушуну дәјишдирмәјә ҹәһд, ганунсуз силаһлы бирләшмә јаратмаг вә с. иттиһамларла 20 ил мүддәтинә азадлыгдан мәһрум едилсә дә О, сијаси мәһбус кими таныныб.
342/
