Иранын реҝион өлкәләринин сәрһәдләринин дәјишдирилмәсинә гаршы чыхмасы вә Ермәнистанын ҹәнубунун Азәрбајҹан Республикасы тәрәфиндән ишғалы еһтималына ҝөрә Бакынын Ирана гаршы тәблиғат характерли һүҹумларынын давамында Аллаһшүкүр Пашазадә Иранын Азәрбајҹан Республикасына сарсылмаз дәстәјини вурғуласа да, садә диллә демишдир: “Мән һәмишә дүшүнүрдүм ки, башыма бир иш ҝәлсә, гардашларым ҝәлиб мәни хилас едәҹәкләр. Амма бу ҝүн үмидими итирдим. Кимә инанмалыјам? Гардашым мәни ермәнијә сатды. Бурада милјонларла шиәнин үмиди гырылды.”
Пашазадә Реал ТВ каналы илә сөһбәтиндә гејд едиб ки, бу јахынларда бу каналын апарыҹысы Миршаһин Ағајевин Иран әлејһинә чыхышында Имам Һүсејн (ә) вә Һәзрәт Әбүлфәзли (ә) тәһгир етмәсинә тохунмадан дејиб: ““Бахмајараг ки, Иран Ислам Республикасы дејилир, амма онларын бизим сәрһәдләрдә маневр етмәси јолверилмәздир. Мән телевизорда ҝөрдүм ки, һәрбчиләр тәјјарәјә отуранда бир дин хадими ҝәлиб Гурани-Кәримлә онлара хејир-дуа верир. Бәс нә үчүн хејир-дуа верир? Һара ҝөндәрир? Азәрбајҹана? Мүсәлман дөвләтинин сәрһәдинә, она әзәлә ҝөстәрмәјә ҝөндәрир. Бу, һеч дә мүсәлмана јарашан һәрәкәт дејил. Мән буну ҝөзләмирдим.”
Даһа сонра шејх вурғулајыб ки, 30 ил әрзиндә Ермәнистан Азәрбајҹана һәрб тәҹавүз едән заман Иран ордусу һарада иди?
"Бәс һарада иди бунларын сәси? Бир ҝеҹәдә Хоҹалыда 600-дән чох инсан гәтлә јетирилди. Буну ермәниләр етмәдиләрми? Нијә бир дәфә бу маневри Ермәнистан сәрһәдиндә апармадыныз? Биз буну 30 ил ҝөзләдик. Торпагларымыз ишғал олунду, мәсҹидләримиз јандырылды”.
Гејд етмәк јеринә дүшәр ки, Азәрбајҹан Республикасы һөкумәти Иран тәрәфинин ајдын вә гәти мөвгеләр ортаја гојмасы сәбәбиндән анти-Иран сијасәтиндә далана дирәндији истәнилән мәгамда өлкә шиәләринин ҝуја Ирандан мәјус олдуглары тактикасындан фајдаланыр. Ирана гаршы һәр заман икиүзлү мөвге сәрҝиләјән Пашазадә исә бу тактикада һаким командаја дәстәјини ҝизләтмир.
О, коммунист режими дөврүндән етибарән Гафгаз Мүсәлманлары Идарәсинин өмүрлүк рәһбәри вәзифәсиндән истифадә едәрәк адәтән Азәрбајҹан халгынын әсас парадигмасы сајылан шиәлијә гаршы мүбаризәнин өн хәттиндә дајаныбдыр.
342/
