Гурултајда чыхыш едән парламентин витсе-спикери Рубен Рубинјан бу барәдә мәлумат вериб.
“Дағлыг Гарабағ проблеминә ҝәлинҹә, партија онун һәлли үчүн јени консепсија гәбул едир. Әҝәр әввәлләр Гарабағын статусу онларын һүгуг вә тәһлүкәсизлијини тәмин едән приоритет һесаб олунурдуса, инди ермәниләрин тәһлүкәсизлији вә һүгуглары приоритет һесаб едилир вә статус бу тәминатлар системиндән чыхарылыр”, - о дејиб.
Сүлһүн бәргәрар олмасы партијанын 2026-ҹы илә гәдәр олан дөвр үчүн 3 приоритетләриндән бири адландырылыб
Рубен Рубинјан билдириб ки, Түркијә вә Азәрбајҹанла гејри-сабит мүнасибәтләр “Ермәнистанын тәһлүкәсизлијинә даими тәһдид мәнбәјидир вә бу, арадан галдырылмалыдыр”.
“Биз әминик ки, Ермәнистанын вә Дағлыг Гарабағын тәһлүкәсизлијини тәмин етмәјин јолу реҝионун бүтүн өлкәләри, илк нөвбәдә Түркијә, Азәрбајҹан, Иран вә Ҝүрҹүстанла бирҝәјашајыш формулуну һазырламагдан кечир.
Ермәнистан өз гоншулары үчүн тәһлүкә мәнбәји һесаб едилмәмәлидир, онун гоншулары исә Ермәнистан үчүн тәһлүкә мәнбәји олмамалыдыр”, - “Арменпресс” аҝентлији Рубинјандан ситат ҝәтирир.
342/
