Заһид Оруҹ дејиб: “Ермәнистан Гарабағы Азәрбајҹан тәркибиндә танымаға һазырдыр, лакин дејир ки, бизи Гәрб гошунлары горусун. Чүнки рус әсҝәри даһа ермәниләр үчүн өлмәк истәмир".
Онун сөзләринә ҝөрә, Франса дөвләти Азәрбајҹанла һәлә мүәјјәнләшмәмиш сәрһәддә хариҹи һәрби мүшаһидәчиләри ҝәтирмәјә чалышыр вә Бакыја һәр ҹүр тәзјиг едир:
“Бәс авропалы мүфәттишләр реҝиона нијә ҝәлир? Чүнки гәфил башлајан Вәтән мүһарибәси Гәрбин вә ајрыҹа Франсанын узун илләр бөлҝәни игтисади вә сијаси тәсир алтында сахламасына зәрбә вурду вә 10 нојабрда Гарабаға орду јеридә билмәјән гүввәләр инди башга өртүк алтында сәрһәддә ҹан атырлар”, - дејә милләт вәкили вурғулајыб.
Заһид Оруҹ гејд едиб ки, јахын ҝүнләрдә Франса вә диҝәр дөвләтләрин парлементләриндә Азәрбајҹан әлејһинә гәбул едиләҹәк гәтнамә вә гәрарларын сәбәби бу өлкәнин Гәрб һәрби континҝентинин реҝиона ҝәлишинә сәрт мүгавимәти илә бағлыдыр.
О хәбәрдарлыг едиб ки, НАТО гошунлары Ермәнистан сәрһәдләринә ҝәлмәк истәјирләр. Сонра Гарабаға јол тапмаға чалышаҹаглар. План будур. Сабаһ Азәрбајҹан ордусуну Ирәвана һүҹумда ҝүнаһландырыб, ардынҹа БМТ-дә бу дөвләтин әлејһинә гәрар верәрәк ермәни һәрби сәнҝәриндә өзләринә јер тутаҹаглар.
342/
